31 ოქტომბერს ეროვნულ ბიბლიოთეკასა და საქართველოს ფსიქოლოგთა საზოგადოებას შორის გაფორმდა მემორანდუმი. შეთანხმებისამებრ, ფსიქოლოგთა საზოგადოება ეროვნულ ბიბლიოთეკას გადასცემს ფსიქოლოგიის ქართულ ენციკლოპედიურ ლექსიკონს. ლექსიკონის ელექტრონული ვერსია განთავსდება ბიბლიოთეკის ელექტრონული ბაზის ერთ-ერთ ყველაზე მნიშვნელოვან რესურს „ბიბლიოვიკში".
„კიდევ ერთი მნიშვნელოვანი რესურსი ჩვენს სუპერ-პოპულარულ ბიბლიოვიკს. გავაფორმეთ მემორანდუმი საქართველოს ფსიქოლოგთა საზოგადოებასთან და ეროვნული ბიბლიოთეკის ბაზაში ფსიქოლოგიის ქართული ენციკლოპედიური ლექსიკონი განთავსდება",- განაცხადა ეროვნული ბიბლიოთეკის დირექტორმა გიორგი კეკელიძემ.