მაკროეკონომიკური სტაბილურობის შენარჩუნება რაციონალური მონეტარული და ფისკალური პოლიტიკის მეშვეობით; საქართველოს ეროვნული ბანკის დამოუკიდებლობის უზრუნველყოფა; კაპიტალური დანახარჯების სტრატეგიული დაგეგმვის შემდგომი გაუმჯობესება;

გადასახადების აკრეფის გაუმჯობესება მთავრობის პრიორიტეტების დასაფინანსებლად მდგრადი საშემოსავლო ბაზის შექმნის მიზნით;

კვაზი-ფისკალური დანაკარგების შემცირება და ენერგეტიკის სექტორში მემკვიდრეობით მიღებული ვალების საკითხის მოგვარება.

სიღარიბის შემცირებაზე ორიენტირებული ეფექტიანიღონისძიებების გატარება, რომელთა მიზანია სიღარიბის ზღვარს ქვემოთ მყოფ პირთა რაოდენობის შემცირება და სოციალური თანასწორობის გაუმჯობესება; აგრეთვე, განათლებისა და ჯანდაცვის სისტემებისა და სხვა სოციალური სამსახურების მდგრადობისა და მათი ხელმისაწვდომობის გაუმჯობესება.

სოციალური უზრუნველყოფის სისტემის შემდგომი რეფორმირება, კერძოდ, სოციალური დაცვის და სოციალური დახმარების ღონისძიებების მიზნობრიობისა და მათი ეფექტიანობის გაუმჯობესების კუთხით; ბავშვებზე ზრუნვის გათვალისწინებით;

განათლებისა და ჯანდაცვის სექტორებში რეფორმების გაგრძელება და რეფორმირებული (ყოფილი საბიუჯეტო) ორგანიზაციების გამჭვირვალეობისა და ანგარიშვალდებულების უზრუნველყოფა;

მომსახურების მიწოდების სფეროს მონიტორინგის ეფექტიანად განხორციელება.

2006-2009 წლების სოფლის მეურნეობის განვითარების ისეთი სტრატეგიის მიღება და განხორციელება, რომელიც ხელს უწყობს: i) მიწის პრივატიზაციისა და მიწის ბაზრის ლიბერალიზაციის პროცესის დასრულებისათვის საჭირო სტრუქტურულ, ინსტიტუციურ, სამართლებრივ და ადმინისტრაციული დახმარების განხორციელებას; ii) სასოფლოსამეურნეო საქმიანობის დივერსიფიცირებას, სასოფლო ტურიზმის განვითარების ჩათვლით;

ხარისხიანი წარმოების (ტრადიციული პროდუქტები, ორგანული პროდუქტები, გეოგრაფიული მაჩვენებლები და სხვა) განვითარების, მისი პოპულარიზაციისა და დაცვის მხარდაჭერა

საუკეთესო პრაქტიკის და საერთაშორისო და ევროკავშირის სტანდარტების გამოყენების შესახებ არსებული გამოცდილების გაცვლა;

ისეთი ღონისძიებების განსაზღვრა და შემუშავება, რომლებიც გააუმჯობესებს: (i) კრედიტები მიღებას სასოფლო-სამეურნეო სექტორში კერძო ინვესტიციების მოზიდვის მიზნით, (ii) ადგილობრივ და საექსპორტო ბაზრებთან მისასვლელს და (iii) ცოდნის გადაცემას და მომსახურების გაფართოებას;

იმ საწარმოების საქმიანობის გაუმჯობესებისაკენ მიმართული ღონისძიებების გატარება, რომლებიც სახელმწიფო მფლობელობაში დარჩება;

ბაქო-თბილისი-ჯეიჰანის (BTC) და ბაქო-თბილისი-ერზერუმის (BTE) მიერ განხორციელებული ნავთობისა და გაზის ტრანზიტის საფასურის გადახდიდან მიღებული შემოსავლების შესახებ გამჭვირვალე ანგარიშების მომზადების უზრუნველყოფა.

მდგრადი განვითარების ეროვნული სტრატეგიის შემუშავებისა და განხორციელებისათვის აუცილებელი ზომების განსაზღვრა;

მდგრადი განვითარების სტრატეგიული დაგეგმვისა და შესაბამის სუბიექტებს შორის კოორდინირების უზრუნველყოფა;

ზომების მიღება გარემოსდაცვითი საკითხების სხვა სექტორებში ინტეგრირების გაუმჯობესებისათვის.

ევროკავშირსა და საქართველოს შორის ორმხრივი სავაჭრო ურთიერთობების განმტკიცება საქართველოს მიერ „პარტნიორობისა და თანამშრომლობის შესახებ შეთანხმების” ფარგლებში აღებული ვალდებულებების შესრულების საშუალებით. ვაჭრობის მსოფლიო ორგანიზაციის წესებთან შესაბამისობის მონიტორინგის განხორციელება და შესაძლებლობების განვითარება საერთაშორისო ვაჭრობის სფეროში;

შესაბამის სამრეწველო სტანდარტებთან, აგრეთვე, სანიტარულ და ფიტოსანიტარულ სტანდარტებთან (SPS) და ვეტერინარული ნორმებთან შესაბამისობის გაზრდა „პრეფერენციების ზოგადი სისტემიდან” (Generalised System of Preferences) სარგებლის გაზრდის მიზნით და ამ გზით საქართველოს საექსპორტო საქმიანობის გაუმჯობესება.

დიალოგის დაწყება გეოგრაფიული წარმოშობის მაჩვენებლების შესახებ, ღვინისა და სპირტიანი სასმელების სექტორის ჩათვლით, ორმხრივი ხელშეკრულების გაფორმების თაობაზე მოლაპარაკების შესაძლებლობის შესახებ;

მეკობრული ან ფალსიფიცირებული საქონლის იმპორტსა და ექსპორტზე საბაჟო კონტროლის გაძლიერება;

საზღვრის დაცვის ინტეგრირებული მენეჯმენტის სტრატეგიის შემუშავება, საბაჟოსა და საზღვარზე მომუშავე სხვა უწყებებს შორის თანამშრომლობის განმტკიცების გზით;

ევროკავშირსა და საქართველოს შორის თანამშრომლობის განვითარება რისკზე დაფუძნებული საბაჟო კონტროლთან დაკავშირებით, რომელიც უზრუნველყოფს იმპორტირებული, ექსპორტირებული ან ტრანზიტული საქონლის საიმედოობას და უსაფრთხოებას და განსაზღვრავს სერტიფიცირების სტანდარტებს კომერციულ გაცვლებში ჩართული ოპერატორებისათვის (ექსპორტიორები და გადამზიდველები).

ეფექტიანი თანამშრომლობის უზრუნველყოფა საქართველოში ტექნიკური ნორმების, სტანდარტიზაციის, მეტროლოგიისა და აკრედიტაციის თანამედროვე ინსტიტუციური სისტემის შექმნისა და გაძლიერების მიზნით;

სტანდარტიზაციაზე, აკრედიტაციაზე, შესაბამისობის დადგენაზე, მეტროლოგიასა და ბაზრის მეთვალყურეობაზე პასუხისმგებელი ინსტიტუტების ინტეგრირება - შესაძლებლობის ფარგლებში - ევროპულ და საერთაშორისო სტრუქტურებში;

ევროკავშირის წევრი ქვეყნების პრაქტიკაზე დაყრდნობით, ბაზარზე დაკვირვების შესაძლებლობების განვითარება;

საქართველოს საკანონმდებლო ბაზის ევროკავშირის კანონმდებლობასთან შესძლო დაახლოების მიზნით პრიორიტეტული სამრეწველო სექტორების ერთობლივად განსაზღვრა, მათ შორის, მწარმოებლებთან და ექსპორტიორებთან კონსულტირების გზით; ევროკავშირის შესაბამისი სტანდარტებისა და ტექნიკური ნორმების ქართულ ენაზე თარგმნის პროცესის გაგრძელება მისი დასრულების მიზნით; თანამშრომლობა საერთაშორისო კლასიფიკაციის საეტალონო ლაბორატორიების შესაქმნელად, რათა უზრუნველყოფილ იქნეს საზომთა საერთაშორისო სისტემასთან თავსებადობა; პრიორიტეტული სექტორებში საჭირო კანონმდებლობის ჰარმონიზება ევროკავშირის ტექნიკურ კანონმდებლობასთან;

სამრეწველო პროდუქციის შესაბამისობის დადგენის პროცედურების ოპტიმიზება დაბალი რისკის მქონე პროდუქციის სავალდებულო სერტიფიცირების და განმეორებითი ტესტირების თავიდან აცილების მიზნით; შესაბამისობის დადგენის ევროპული მოდულების დანერგვა.

კანონმდებლობისა და ადმინისტრაციული პროცედურების ანალიზი იმპორტირებული პროდუქციის მიმართ დისკრიმინაციისა და შეზღუდვების დადგენის და, საჭიროების შემთხვევაში, თანდათანობით მოხსნის მიზნით;

ცენტრალური საკონტაქტო ერთეულის შერჩევა ეკონომიკურ აგენტებს შორის ინფორმაციის გაცვლისა და თანამშრომლობის ხელშესაწყობად.

მუშაობის გაგრძელება ვაჭრობის მსოფლიო ორგანიზაციის ‚სანიტარული და ფიტოსანიტარული ღონისძიებების გატარების შესახებ” შეთანხმების სრულად განხორციელებისათვის და შესაბამის საერთაშორისო ორგანიზაციებში (ცხოველთა ჯანმრთელობის მსოფლიო ორგანიზაცია (OIE), სურსათისა და სოფლის მეურნეობის ორგანიზაცია (FAO)/ ჯანდაცვის მსოფლიო ორგანიზაცია (WHO)/ „კოდექს ალიმენტარიუსი,“ მცენარეთა დაცვის საერთაშორისო კონვენცია (IPPC)/ FAO) გაწევრიანების შემდეგ) აქტიური მონაწილეობა.

სანიტარიისა და ფიტოსანიტარიის სფეროში (მაგ. პოლიტიკა, კანონმდებლობა, ინსტიტუციური გაძლიერება, აღსრულების პრაქტიკა) ინფორმაციის გაცვლა და ევროკავშირის წესებთან და პრაქტიკასთან შესაძლო დაახლოების სფეროების შესწავლა

მცენარეთა დაცვის შესახებ საერთაშორისო კონვენციის დებულებებისა შესრულება;

საშუალოვადიან პერიოდში პირველადი ღონისძიებების ნუსხის შემუშავება, რომელიც ხელს შეუწყობს ევროკავშირის სურსათის უსაფრთხოების ზოგად პრინციპებთან და მოთხოვნებთან თანდათანობით დაახლოებას (მაგ. დებულება 178/2002/EC; ცხოველთა და მცენარეთა ან მცენარეული პროდუქტების იდენტიფიცირებისა და მათზე დაკვირვების სისტემები; საკვების გადამუშავების ჰიგიენა). ამ სფეროებში საქართველოს კანონმდებლობის ჰარმონიზების დაწყება;

ცხოველთა ჯანდაცვის და ცხოველური პროდუქტების წარმოების სფეროში ევროკავშირის მოთხოვნების შესრულება (გათვალისწინებულ იქნეს „სახელმძღვანელო პრინციპები“ მესამე ქვეყნების მთავრობებისათვის იმ პროცედურების შესახებ, რომლებიც უნდა იქნეს დაცული ცოცხალი ცხოველების ან ცხოველური პროდუქტების ევროპის კავშირში იმპორტირებისას” DG SANCO/FVO, 2003 წლის ოქტომბერი);

მუშაობა ურთიერთკავშირის დასამყარებლად ევროკავშირის სურსათისა და ცხოველთა საკვების სფეროში „სწრაფი შეტყობინების სისტემასთან“ (RASFF).

კომპანიების დაფუძნებისათვის, მათ შორის, უცხოური ინვესტიციებით ხელისშემშლელი ბარიერების თანდათანობით გაუქმება;

მაქსიმალური ძალისხმევის უზრუნველყოფა, რათა კომპანიების დაფუძნების პირობები არ იყოს „პარტნიორობისა და თანამშრომლობის შესახებ შეთანხმების” ხელმოწერისას არსებულ პირობებზე უფრო შემზღუდავი;

კომპანიების რეგისტრაციის პროცესის გაუმჯობესება ევროკავშირის სტანდარტების შესაბამისად, კერძოდ, კომპანიების რეგისტრაციაში მონაწილე სტრუქტურების გაძლიერების გზით. კომპანიების დაფუძნების ხელშეწყობა კომპანიის ძირითადი სამართლებრივი და ფინანსური ინფორმაციის, უფრო გამჭვირვალე კანონმდებლობის და ა.შ. ხელმისაწვდომობის გათვალისწინებით; სალიცენზიო მოთხოვნების შემდგომი გამარტივება;

კომპანიების შესახებ კანონის, აღრიცხვისა და აუდიტის ძირითადი პრინციპების დაახლოება შესაბამის საერთაშორისო და ევროკავშირის წესებსა და სტანდარტებთან და მათი ეფექტიანად განხორციელების უზრუნველყოფა;

კომპანიების შესახებ კანონის და მასთან დაკავშირებულ საინვესტიციო პირობების ზედამხედველობაზე პასუხისმგებელი ადმინისტრაციული და სასამართლო ორგანოების თანამიმდევრულობის და პროგნოზირების უნარის გაუმჯობესება;

გაკოტრებასთან დაკავშირებული საქართველოს კანონმდებლობისა და პრაქტიკის გადასინჯვა;

კორპორაციული მმართველობის შესახებ კანონმდებლობის შემდგომი გაუმჯობესება საერთაშორისო სტანდარტების შესაბამისად და მისი ეფექტიანად განხორციელება.

საქართველოს მიერ ეროვნული კანონმდებლობის გადასინჯვა, მომსახურების მიწოდების სფეროში არსებული ბარიერების იდენტიფიცირების და მათი გაუქმების მიზნით;

„ერთი ფანჯრის” პრინციპით მომუშავე ბიზნესის საინფორმაციო ცენტრის შექმნა, კერძო სექტორისათვის მომსახურების გაწევის გაადვილების მიზნით;

საერთაშორისო სავალუტო ფონდის/მსოფლიო ბანკის ფინანასური სექტორის შეფასების პროგრამის (FSAP) 2006 წლის რეკომენდაციების ჯეროვანი გათვალისწინება;

ფინანსური მომსახურების რაციონალური მარეგულირებელი და საზედამხედველო სისტემის ამოქმედება, რომელიც ევროკავშირში არსებული სისტემის შესაბამისი იქნება;

დამოუკიდებელი საზედამხედველო ორგანოს ეფექტიანი ფუნქციონირების უზრუნველყოფა საერთაშორისო სტანდარტების შესაბამისად.

კომპანიებში პირდაპირი ინვესტიციების სახით დაბანდებული, აგრეთვე სხვა ინვესტიციების სახით დაბანდებული კაპიტალის თავისუფალი გადაადგილების უზრუნველყოფა „დაფუძნების შესახებ” დებულებების შესაბამისად („პარტნიორობისა და თანამშრომლობის შესახებ შეთანხმების” IV კარის II თავი);

ამ ტიპის უცხოური ინვესტიციების დაცვა და მოგებისა და კაპიტალის ლიკვიდაციისა და რეპატრიაციის უზრუნველყოფა;

ინფორმაციის გაცვლა კაპიტალის მოძრაობასთან დაკავშირებული დღეისათვის არსებული სამართლებრივი და მარეგულირებელი რეჟიმის შესახებ;

იმ კაპიტალის მოძრაობის თანდათანობით ხელშეწყობა, რომელიც პირდაპირ ინვესტიციებთან არ არის დაკავშირებული.

მაქსიმალური ძალისხმევის უზრუნველყოფა, რათა გაუქმდეს ყველა დისკრიმინაციული ზომა ეროვნული ნიშნით, რომელიც ვრცელდება მიგრანტ მომუშავეებზე და გავლენას ახდენს მათ სამუშაო პირობებზე, ანაზღაურებასა და სამუშაოდან დათხოვნაზე.

საქართველოსა და ევროკავშირის წევრ სახემწიფოებს შორის ორმაგი დაბეგვრის თავიდან აცილების შესახებ ორმხრივი შეთანხმებების პაკეტზე მუშაობის დასრულება „ეკონომიკური თანამშრომლობის და განვითარების ორგანიზაციის“ (OECD) საგადასახადო კონვენციის შესაბამისად;

დიალოგის დაწყება „ბიზნესის დაბეგვრის სფეროში ქცევის ევროკავშირის კოდექსის“ პრინციპების შესახებ, რათა უზრუნველყოფილ იქნეს სამართლიანი პირობები საქართველოსათვის, ევროკავშირის შიდა ბაზარზე მისი სამომავლო ინტეგრირებისათვის.

კონკურენციის შესახებ კანონის შესრულების უზრუნველყოფა, კერძოდ, ადმინისტრაციული პოტენციალის ოპტიმიზაციის საშუალებით, რაც, თავის მხრივ, განამტკიცებს „თავისუფალი ვაჭრობისა და კონკურენციის სააგენტოს” დამოუკიდებლობას;

კონკურენციის შესახებ ევროკავშირის პრინციპებთან დაახლოება‚ პარტნიორობისა და თანამშრომლობის შესახებ შეთანხმების” V კარის 43-ე და 44-ე მუხლების შესაბამისად

სახელმწიფოს მიერ გაცემული დახმარებების სფეროში შემდგომი გამჭვირვალეობის უზრუნველყოფის შესაძლებლობების შესწავლა, კერძოდ: (i) სახელმწიფო დახმარების ზოგადი წესების შემუშავების და (ii) დახმარების ოდენობის, ტიპის და დახმარების მიმღებთა შესახებ ყოველწლიური ანგარიშების შედგენის გზით.

ინტელექტუალური და საწარმოო საკუთრების უფლებების სრული შესაბამისობის უზრუნველყოფა „პარტნიორობისა და თანამშრომლობის შესახებ შეთანხმებასთან” და ვაჭრობის მსოფლიო ორგანიზაციის ინტელექტუალური საკუთრების შესახებ შეთანხმების (TRIPS) მოთხოვნებთან და ამ უფლებების ეფექტიანად განხორციელება;

სასამართლო სისტემის ჯეროვანი ფუნქციონირების უზრუნველყოფა, რათა ზემოხსენებული უფლებების მქონე პირთათვის მართლმსაჯულება გახდეს უფრო ხელმისაწვდომი, დაწესდეს და უფრო ეფექტიანად განხორციელდეს სანქციები;

შესაბამისი ინსტიტუციური სტრუქტურების, აგრეთვე, საწარმოო უფლებების დაცვის სამსახურების, საავტორო უფლებების დამცველი და შემგროვებელი საზოგადოებების ერთმანეთთან დაკავშირება. მესამე ქვეყნების მთავრობებთან და საწარმოო გაერთიანებებთან თანამშრომლობის გაფართოვება;

გეოგრაფიული მაჩვენებლის დაცვის ეფექტიანი სისტემის შექმნა;

ინტელექტუალური და საწარმოო საკუთრების დაცვის სფეროში საზოგადოების უკეთ გათვითცნობიერებაზე მიმართული ღონისძიებების განხორციელება. საწარმოების მიერ პატენტის შესახებ ინფორმაციის გამოყენების ქმედითი სისტემის ჩამოყალიბება;

აღსრულებაზე მიმართული - სასამართლო სისტემის ჩათვლით - რესურსების გაზრდა;

„პარტნიორობისა და თანამშრომლობის შესახებ შეთანხმების“ 42(2) მუხლში მოცემული კონვენციების აღსრულების გაუმჯობესება;

საქართველოში მეკობრული და ფალსიფიცირებული საქონლის წარმოების შესწავლა და უფლებების მქონე პირებთან ეფექტიანი დიალოგის წარმართვა.

სახელმწიფო შესყიდვების შესახებ ევროკავშირის კანონმდებლობის ძირითად პრინციპებთან დაახლოება და მათი ეფექტიანად განხორციელება (მაგ. გამჭვირვალეობა, დისკრიმინაციის დაუშვებლობა, კონკურენცია და სასამართლოს გზით პრობლემის მოგვარების შესაძლებლობა);

პირობების შექმნა მხარეებს შორის ღია და კონკურენტუნარიანი კონტრაქტების დადებისათვის, კერძოდ, სატენდერო განაცხადების მიღების გზით, „პარტნიორობისა და თანამშრომლობის შესახებ შეთანხმების“ 50-ე მუხლის შესაბამისად;

დღეისათვის არსებული სისტემის ფუნქციონირების გაუმჯობესება გამჭვირვალეობის, ინფორმაციის მიწოდების, სასამართლოს გზით პრობლემის მოგვარების შესაძლებლობის უზრუნველყოფის, გათვითცნობიერებულობის ზრდის, აგრეთვე, კონტრაქტის დამდები მხარეებისა და ბიზნესის წარმომადგენლებისათვის ტრეინინგების მოწყობით, აგრეთვე, გამონაკლისების დაშვების მაქსიმალურად შეზღუდვით.

ევროპულ სტანდარტებთან სრულად თავსებადი სტატისტიკური მეთოდების შემუშავება და საქართველოს სტატისტიკის დეპარტამენტის შემდგომი მოდერნიზება ოფიციალური სტატისტიკის დამოუკიდებლობისა და მდგრადი ფუნქციონირების განმტკიცების მიზნით;

ოფიციალური სტატისტიკის მოკლევადიანი და საშუალოვადიანი სტრატეგიის შემუშავება G სტატისტიკის გარკვეული სფეროების (კერძოდ, ეროვნული ანგარიშები, ბიზნესის სტატისტიკა, საგარეო ვაჭრობის სტატისტიკა და სხვა), ევროპულ სტანდარტებთან თანდათანობით ჰარმონიზების პროცესის გათვალისწინებით.

ზომების მიღება საქართველოს სტატისტიკის დეპარტამენტის რეგიონული და ადგილობრივი ოფისების რესტრუქტურიზებისთვის, რათა უზრუნველყოფილ იქნეს ოპტიმალური ბალანსი არსებულ რესურსებსა და სტატისტიკური მონაცემების ხარისხთან დაკავშირებულ მოთხოვნებს შორის;

სტატისტიკური საქმიანობის რეესტრის ხარისხისა და შინაარსის გაუმჯობესება.

სათანადო ადმინისტრაციული პოტენციალის განვითარების ხელშეწყობა სახელმწიფოს შიდა და გარე (საერთაშორისო) ფონდებთან დაკავშირებული თაღლითობისა და სხვა დარღვევების პრევენციისა და მათ წინააღმდეგ ბრძოლის მიზნით, მათ შორის, თანამშრომლობის კარგად მოქმედი სტრუქტურების შექმნის გზით, სადაც ჩართული იქნება ყველა შესაბამისი ეროვნული უწყება.

ევროკავშირის შესაბამის ინსტიტუტებთან და უწყებებთან ეფექტიანი თანამშრომლობის უზრუნველყოფა ევროკავშირის თანხების მართვასთან და კონტროლთან დაკავშირებული ადგილზე მოულოდნელი შემოწმებების ადგილზე ჩატარების და ინსპექტირების სფეროში;

სახელმწიფო ფინანსების მართვისა და გამჭვირვალეობის გაუმჯობესება „სახაზინო ანგარიშების არსებული სისტემის“ განახლების და საბიუჯეტო შემოსავლებისა და გასავლების ჯეროვანი აუდიტის გზით. სახელმწიფო ფინანსების მართვის ინტეგრირებული საინფორმაციო სისტემის შექმნა და დანერგვა.

სტრატეგიული დოკუმენტის შემუშავება შიდა სახელმწიფოებრივი ფინანსური კონტროლის სისტემისათვის (მენეჯერული აღრიცხვა და შიდა აუდიტი);

საკანონმდებლო ჩარჩოს შემუშავება შიდა სახელმწიფოებრივი ფინანსური კონტროლის სისტემისათვის;

საერთაშორისო სტანდარტებთან (IIA, INTOSAI, IFAC, GSF-2001) და მეთოდოლოგიასთან თანდათანობითი ჰარმონიზება, აგრეთვე, სახელმწიფო შემოსავლების, ხარჯების, აქტივების და დავალიანებების კონტროლისა და აუდიტის სფეროში ევროკავშირის საუკეთესო პრაქტიკის გამოყენება;

კონტროლის პალატის შემდგომი რეფორმირება საერთაშორისო და ევროკავშირის გარე აუდიტის სტანდარტების (INTOSAI-ის-აუდიტის უმაღლესი ინსტიტუტების საერთაშორისო ორგანიზაცია) და საუკეთესო პრაქტიკის შესაბამისად

მცირე და საშუალო საწარმოებისათვის ხელსაყრელი გარემოს შექმნა „პარტნიორობისა და თანამშრომლობის შესახებ შეთანხმების“ 64-ე მუხლის შესაბამისად, საქართველოში სამეწარმეო პოლიტიკის პრიორიტეტების გათვალისწინებით;

საწარმოო და ინდუსტრიული პოლიტიკის შესახებ ინფორმაციისა და საუკეთესო პრაქტიკის გაზიარების ხელშეწყობა და საქართველოს დაკავშირება ევროკავშირის ინიციატივებთან კონკურენტუნარიანობის სტიმულირების შესახებ (მაგ. ინფორმაციის გაცვლა, ქსელებსა და კვლევებში მონაწილეობის მიღება, ტრეინინგი);

საწარმოო და ინდუსტრიული პოლიტიკის საკითხებზე დიალოგის დაწყების საჭიროებისა და დიალოგის შესაძლო ვარიანტების შესწავლა.

ტრანსპორტის მდგრადი ეროვნული პოლიტიკის განხორციელება და დახვეწა ყველა სახის ტრანსპორტის და მასთან დაკავშირებული ინფრასტრუქტურის განვითარების მიზნით, აგრეთვე, საჭიროების შემთხვევაში, კანონმდებლობისა და მარეგულირებელი სისტემების დაახლოება ევროპულ და საერთაშორისო სტანდარტებთან, განსაკუთრებით უსაფრთხოების საკითხებში;

ინფრასტრუქტურის განვითარების სტრატეგიის შემუშავება (პოტენციალთან დაკავშირებული პრობლემების, ინტერმოდალური მოწყობილობების და კავშირის დასამყარებელი ინფრასტრუტურის ნაკლებობის ინდენტიფიცირება) სხვადასხვა სექტორში პრიორიტეტული პროექტების განსაზღვრის მიზნით;

თანამშრომლობის განვითარება სატელიტური ნავიგაციის სფეროში (ერთობლივი კვლევითი საქმიანობისა და კვლევის შედეგების გამოყენების ჩათვლით).

გზების უსაფრთხოების სფეროში სამოქმედო გეგმის შემუშავება და განხორცილება, საგზაო სატრასპორტო საშუალებათა ტექნიკური კონტროლის/ვარგისიანობის შემოწმების ჩათვლით და საფრთხის შემცველი საქონლის ტრანსპორტირების შესახებ კანონმდებლობის განხორციელება, აგრეთვე, ნორმაზე მძიმე სატრანსპორტო საშუალებების მოძრაობაზე კონტროლის გაუმჯობესება;

საერთაშორისო ტრანსპორტის სექტორის იმგვარი რეგულირებისას, რაც საერთაშორისო ტრანსპორტს უფრო ხელმისაწვდომს გახდის მათთვის, ვისაც ამ სფეროში მუშაობა სურს; შემოღებულ იქნეს საერთაშორისო სტანდარტების შესაბამისი ტრანსპორტის მართვის და დასვენების სავალდებულო დრო და უზრუნველყოფილი იყოს მისი მკაცრი დაცვა საერთაშორისო ტრანსპორტის სექტორში.

სატვირთო გადაზიდვების მომსახურების გაუმჯობესება (საზღვრის გადაკვეთის პროცედურებთან დაკავშირებული საკითხების ჩათვლით). მულტიმოდალური მომსახურების ხელშეწყობა და ტრანსპორტის ურთიერთავსებადობის საკითხების მოგვარება.

სარკინიგზო ტრანსპორტის სექტორის რესტრუქტურიზების დასრულება;

ევროპის თანამეგობრობასთან საჰაერო მომსახურების გარკვეული სახეობების შესახებ (ჰორიზონტალური) შეთანხმებების ხელმოწერა და განხორციელება;

მარეგულირებელი სისტემის დაახლოვების ხელშეწყობა, უსაფრთხოების საკითხების ჩათვლით;

ადმინისტრაციული და ტექნიკური პოტენციალის გაზრდა „ავიაციის ერთიანი ხელმძღვანელობის” (JAA) სტანდარტებთან შესაბამისობის უზრუნველსაყოფად და „ავიაციის ერთიანი ხელმძღვანელობის“ სრულუფლებიანი წევრის სტატუსის მისაღებად;

თანამშრომლობა საჰაერო ნავიგაციის სფეროში.

საპორტო სექტორის რესტრუქტურიზების დასრულება (მარეგულირებელი/საოპერაციო და კომერციული ფუნქციების გამიჯვნა);

„საერთაშორისო საზღვაო ორგანიზაციის” (IMO) შესაბამისი საერთაშორისო კონვენციების მოთხოვნათა შესრულება; პორტის სახელმწიფო კონტროლის (Port State Control) და სადროშო პოლიტიკის (Flag State) მოთხოვნების, აგრეთვე, ტანკერების უსაფრთხოების შესახებ „საზღვაო გარემოს დაცვის კომიტეტის“ რეზოლუციების ეფექტიანი განხორციელება;

ერთკორპუსიანი ნავთობის ტანკერების ხმარებიდან თანდათანობით ამოღების დაჩქარება და საერთაშორისო საზღვაო ორგანიზაციის ‚მარპოლის კონვენციით” გათვალისწინებული შეთანხმებული ცვლილებების განხორციელება;

მარეგულირებელი სისტემის დაახლოების ხელშეწყობა, უსაფრთხოების საკითხების ჩათვლით.

კასპიისა და შავი ზღვის რეგიონულ სატრანსპორტო საკითხებზე თანამშრომლობის გაგრძელება 2004 წლის ნოემბერში ბაქოში ჩატარებული ევროკავშირი - შავი ზღვის - კასპიის ზღვის აუზის ქვეყნების ტრანსპორტის მინისტრთა კონფერენციის შედეგების კონტექსტში;

კარგად გათვლილი და გრძელვადიანი ენერგეტიკული პოლიტიკის შემუშავება და განხორციელება, რომელიც თანდათანობით დაუახლოვდება ევროკავშირის ენერგოპოლიტიკის მიზნებს, ენერგორესურსების მიწოდების უსაფრთხოების ჩათვლით;

პროგრამაში Intelligent Energy-Europe საშუალოვადიან პერსპექტივაში მონაწილეობის შესაძლებლობის შესწავლა.

ევროკავშირის ელექტროენერგიისა და გაზის შიდა ბაზრის პრინციპებთან დაახლოების მიზნით ღონისძიებათა ნუსხის შემუშავება, რომელსაც თან დაერთვის შესრულების ვადები და ფინანსური გეგმა;

ენერგორესურსებზე ფასების დამახინჯების თანთანობით აღმოფხვრაზე ზრუნვა და ენერგოგადასახადების ამოღების ტემპის გაუმჯობესება;

ენერგეტიკის სახელმწიფო მარეგულირებელი კომისიის მუშაობის შემდგომი დახვეწა ელექტროენერგიისა და გაზის 2003/54 და 2003/55 დირექტივების შესაბამისად;

ელექტროენერგიის (ჰიდროენერგეტიკის ჩათვლით), გაზის და საწვავის სექტორების რესტრუქტურიზების დასრულება, მათი ფინანსური სიცოცხლისუნარიანობის უზრუნველყოფა.

ნაბიჯების გადადგმა ენერგოქსელში დანაკარგების შესამცირებლად;

ენერგეტიკის სფეროში ინფრასტრუქტურის უსაფრთხოების გაუმჯობესება.

ენერგოეფექტურობის და ენერგიის განახლებადი წყაროების გამოყენებისათვის სამოქმედო გეგმის (ფინანსური გეგმის ჩათვლით) შემუშავებისთვის ნაბიჯების გადადგმა;

კანონმდებლობის მიღება ენერგოეფექტურობის და ენერგიის განახლებადი წყაროების შესახებ;

ენერგოეფექტურობის და ენერგიის განახლებადი წყაროების საკითხებით დაკავებული ინსტიტუტების განმტკიცება;

სხვადასხვა ღონისძიებების განხორციელება ამ სექტორში.

ადმინისტრაციული სტრუქტურებისა და პროცედურების განმტკიცება, რათა უზრუნველყოფილ იქნეს გარემოსდაცვითი საკითხების სტრატეგიული დაგეგმვა და მათი კოორდინირება შესაბამის სუბიექტებს შორის;

ისეთი კანონმდებლობის და პროცედურების შემუშავება, რომლებიც გარემოსდაცვით ინფორმაციას უფრო ხელმისაწვდომს გახდიან და უზრუნველყოფენ გარემოსდაცვით საქმიანობაში საზოგადოების მონაწილეობას, „ორჰუსის კონვენციის“ განხორციელების ჩათვლით;

გაგრძელდეს გარემოს მდგომარეობის შესახებ მოხსენებების რეგულარულად მომზადება;

სტრუქტურებისა და პროცედურების გაძლიერება გარემოზე ზემოქმედების შეფასების განხორციელების მიზნით;

საკომუნიკაციო ხერხების შემუშავება გარემოსდაცვითი პოლიტიკის და მის მიერ მოტანილი სარგებლის პოპულარიზების მიზნით; სამოქალაქო საზოგადოებისა და ადგილობრივი ხელისუფლების სუბიექტების მხარდაჭერა.

ჩარჩო კანონმდებლობისა და საბაზისო პროცედურების შემუშავება, აგრეთვე, დაგეგმვის უზრუნველყოფა ძირითად გარემოსდაცვით სექტორებში- ჰაერის ხარისხი, წყლის ხარისხი, ნაგვის გადამუშავება, ბუნების დაცვა;

ადმინისტრაციული პოტენციალის განმტკიცება, ნებართვების გაცემის, კანონის აღსრულებისა და ინსპექტირების მიზნით;

არსებული სახელმწიფო გეგმებისა და პროგრამების განხორციელება (მაგალითად, სანაპირო ზოლის ინტეგრირებული მართვის, ტყის მართვის და ნარჩენების მართვის შესახებ);

ზომების მიღება ყველა სახის რადიოაქტიულ წყაროებზე კონტროლის განმტკიცების მიზნით.

„კიოტოს ოქმის“ და „კლიმატის ცვლილების შესახებ გაეროს კონვენციის“ დებულებების განხორციელება, მათ შორის „სუფთა განვითარების მექანიზმის“ (Clean Development Mechanism) ფარგლებში აქტიური თანამშრომლობის გზით;

აქტიური მონაწილეობა „დუნაი - შავი ზღვის სპეციალური ჯგუფის“ და „შავი ზღვის კომისიის“ ფარგლებში, რათა განხორციელდეს ტრანსსასაზღვრო მიდგომა წყლის მართვის სფეროში; აქტიური მონაწილეობის მიღების უზრუნველყოფა „ევროკავშირის წყლის ინიციატივის“ შემადგენელ „აღმოსავლეთ ევროპის, კავკასიისა და ცენტრალური აზიის“ კომპონენტში;

გაეროს ევროპის ეკონომიკური კომისიის (UN-ECE) გარემოს დაცვასთან დაკავშირებული კონვენციების რატიფიცირება;

მეზობელ ქვეყნებთან ერთად რეგიონული თანამშრომლობის შესაძლებლობების განსაზღვრა, განსაკუთრებით წყალთან დაკავშირებულ საკითხებში;

შესაძლო მონაწილეობა გარემოს დაცვის ევროპული სააგენტოს ზოგიერთ კონკრეტულ ღონისძიებაში.

ეროვნული პოლიტიკის მიღება ტელეკომუნიკაციებისა და საინფორმაციო ტექნოლოგიებისსფეროების განვითარების მიზნით და ფართო მარეგულირებელი ბაზის შემდგომი განვითარება, ნომრის მინიჭების, მომხმარებელთა უფლებების უზრუნველყოფის, პირადი უფლების დაცვის და მონაცემთა უსაფრთხოების ჩათვლით;

ბიზნესის, მთავრობის და მოქალაქეთა მიერ ახალი ტექნოლოგიებისა და ელექტრონული საკომუნიკაციო საშუალებების გამოყენების და მათ შესახებ აზრთა გაცვლის ხელშეწყობა ისეთ სფეროებში, როგორიცაა ელექტორნული ბიზნესი (ელექტრონული ხელმოწერისათვის აუცილებელი სტანდარტების ჩათვლით), ელექტრონული მთავრობა, ელექტრონული ჯანდაცვა, ელექტრონული სწავლება, ელექტრონული კულტურა;

მიზანმიმართული მუშაობა აუდიოვიზუალურ სფეროში ისეთი კანონმდებლობის მისაღებად, რომელშიც სრულადაა დაცული ევროკავშირის სტანდარტები, რათა მომავალში შესაძლებელი გახდეს ევროპის საბჭოს მიერ მედიის სფეროში შემუშავებული საერთაშორისო მექანიზმებში მონაწილეობა. აუდიოვიზუალური პოლიტიკის შესახებ აზრთა გაზიარების ხელშეწყობა, რასიზმისა და ქსენოფობიის წინააღმდეგ ბრძოლაში თანამშრომლობის ჩათვლით;

სამეცნიერო თანამშრომლობის მხარდაჭერის მიზნით კავკასიის კვლევისა და განა თლების ქსელების (Caucasian Research and Education Networks) მათ ევროპელ პარტნიორებთან ურთიერთკავშირის ხელშეწყობა GEANT-ის ქსელის საშუალებით.

დისტანციური სწავლების პროგრამების შემუშავება სამხრეთი კავკასიის და შავი ზღვისპირეთის ქვეყნებში.

ადამიანური, მატერიალური და ინსტიტუციური რესურსების განმტკიცება ტექნოლოგიური კვლევებისა და ინოვაციების პოტენციალის გაუმჯობესების მიზნით.

მეცნიერების მართვის სისტემის გარდაქმნა საგრანტო განაცხადების შერჩევისას კოლეგების მიერ მათ განხილვაზე დაფუძნებული და კონკურენტული გარემოს უზრუნველყოფის საშუალებით; სამეცნიერო ინსტიტუტების უმაღლესი განათლების ინსტიტუტებთან ინტეგრირება და შედეგზე ორიენტირებული კვლევებისა და განვითარების პროექტების ხელშეწყობა.

შესაბამისი საინფორმაციო სტრატეგიის განხორციელება, რათა ქართველ მეცნიერებს შესაძლებლობა მიეცეთ სათანადო მონაწილეობა მიიღონ ევროგაერთიანების კვლევებისა და ინოვაციების (Community R&I) ჩარჩო პროგრამებში.

საქართველოს მონაწილეობის გააქტიურება მარი კიურის სახელობის საერთაშორისო სტიპენდიებში, შინ დაბრუნების სათანადო მექანიზმებისათვის ხელშეწყობის ჩათვლით.

ყველა მოქალაქის უზრუნველყოფა მაღალი ხარისხის განათლებით, სათანადო დაფინანსების, ხარისხის უზრუნველყოფის სამსახურების შექმნის, განათლებისა და ტრეინინგის სისტემების რეფორმირების, პროფესიული განათლებისა და „ცხოვრების მანძილზე სწავლის“ უზრუნველყოფის გზით და განათლების რეფორმის ეროვნული სტრატეგიის განხორციელების საშუალებით.

უმაღლესი განათლების სექტორის რეფორმირება „ბოლონიის პროცესის“ პრინციპების შესაბამისად. ადგილობრივი პოტენციალის განმტკიცება პოლიტიკის შემუშავებისა და მისი განხორციელებისათვის; აკრედიტაციისა და ლიცენზირების პროცედურების შემუშავება;

უმაღლესი განათლების რეფორმის და ევროკავშირისა და საქართველოს უმაღლესი განათლების დაწესებულებებს შორის თანამშრომლობის ხელშეწყობა პროგრამა „ტემპუსის“ (TEMPUS) მეშვეობით;

განათლებისა და ტრეინინგის სფეროში ხარისხის უზრუნველყოფის შემუშავებასა და განხორციელებაში ჩართული ინსტიტუტებისა და ორგანიზაციების პოტენციალის გაზრდა, მაგალითად, პროგრამა „ტემპუსის“ (TEMPUS) მიერ შემოთავაზებული მექანიზმების მეშვეობით;

უნივერსიტეტებში ევროპული ინტეგრაციის სფეროში სასწავლო კურსების შემოღების სტიმულირება; აგრეთვე, უნივერსიტეტების წახალისება, რათა მათ მონაწილეობა მიიღონ „ჟან მონეს“ (Jean Monnet) მოდულების განხორციელებასა და კათედრების მუშაობაში.

უმაღლესი და პროფესიული განათლების უკეთ ადაპტირება შრომის ბაზრის სამომავლო მოთხოვნებთან სოციალური პარტნიორებისა და სამოქალაქო საზოგადოების დაინტერესებულ წარმომადგენელთა უფრო აქტიური მონაწილეობის საშუალებით;

პროგრამებში „ერაზმუს მუნდუსი” (Erasmus Mundus) და „ტემპუსი” (TEMPUS), აგრეთვე, სტიპენდიების ახალ სქემაში მონაწილეობის წახალისება.

დიალოგის გაგრძელება და განმტკიცება განათლებისა და ტრეინინგის პოლიტიკის სფეროში ევროკავშირისა და საქართველოს სახელისუფლო ორგანოებს შორის;

ახალგაზრდული გაცვლითი პროგრამებს და ახალგაზრდებს შორის თანამშრომლობის განმტკიცება, განსაკუთრებით სამხრეთი კავკასიის და შავი ზღვის რეგიონის ქვეყნებს შორის, ევროკავშირის ქვეყნებში მოღვაწე მათი პარტნიორების მონაწილეობით; ესთანამშრომლობა წარიმართება ახალგაზრდების არაფორმალური განათლების სფეროში და ხელს შეუწყობს კულტურათა შორის დიალოგის წარმართვას ‚ახალგაზრდული პროგრამის” საშუალებით.

ჯანდაცვის სფეროს შემდგომი რეფორმირება პოლიტიკის დახვეწის და რეგულირების სისტემის განმტკიცების საშუალებით, რათა მოსახლეობისათვის უფრო ადვილად მისაღები და ხელმისაწვდომი გახდეს ჯანდაცვის მომსახურება; უკეთ ორგანიზებული, უკეთესი ხარისხის და უფრო პროფესიული ჯანდაცვის სფეროს და მისი ინსტიტუტების - შრომის, ჯანმრთელობის დაცვის და სოციალური უზრუნველყოფის სამინისტროს ჩათვლით - ჩამოყალებება; პირველადი ჯანდაცვის მომსახურების და პრევენციის, აგრეთვე, ცხოვრების ჯანმრთელი წესის პოპულარიზებაზე მიმართული ღონისძიებების წილის გაზრდა ჯანდაცვის საერთო ბიუჯეტში; შემუშავდეს ჯანდაცვის დაფინანსების მდგრადი სტრატეგია; გაუმჯობესდეს ჯანდაცვის სფეროში სტატისტიკური ინფორმაციის, აგრეთვე, რისკების და დეტერმინანტების შესახებ ინფორმაციის ხარისხის და ხელმისაწვდომობის; ამაღლდეს ჯანდაცვის მუშაკთა კვალიფიკაცია ტრენინგითა და სხვა საშუალებით.

ევროკავშირის კულტურის სფეროს პროგრამების ფარგლებში თანამშრომლობის შესაძლებლობების შესწავლა;

აზრთა გაზიარება იუნესკოს მიერ კულტურული თვითმყოფადობის გამოხატვის მრავალფეროვნების დაცვისა და ხელშეწყობის შესახებ 2005 წლის 20 ოქტომბერს მიღებული კონვენციის შესახებ; კონვენციის ტექსტის რატიფიცირება და განხორციელება.