4.06

1858    
    
4 ივნისი   
    
პეტერბურგში მუშაობას იწყებს ლექსებზე „სიმღერა“ და „გუთნისდედა“.   წყარო:

გ. ლეონიძის სახ. ქართული ლიტერატურის მუზეუმი № 17501 გვ. 13-15; კ. კეკელიძის სახ. ხელნაწერთა ეროვნული ცენტრი, ი. ჭავჭავაძის პირადი საარქივო ფონდი, ავტოგრაფი № 108, ფ. 18, 19.
    
1859    
    
4 ივნისი   
    
პეტერბურგში წერს ლექსს „ელეგია“.  წყარო:

გ. ლეონიძის სახ. ქართული ლიტერატურის სახელმწიფო მუზეუმი, № 17501 გვ. 35; კ. კეკელიძის სახ. ხელნაწერთა ეროვნული ცენტრი, ი. ჭავჭავაძის პირადი საარქივო ფონდი, ავტოგრაფი № 108, გვ. 33.
    
1868    
    
 4 ივნისი   
    
დუშეთის სამომრიგებლო განყოფილებაში ისმენს სოფელ ძალიკის მცხოვრებ თეკლე თოღუზაშვილის საჩივარს ალექსი ვალიშვილის წინააღმდეგ, რომელსაც ბრალი ედება მომჩივანის ფიზიკურ შეურაცხყოფაში. იბარებენ ბრალდებულსა და მოწმეებს.  წყარო:

საქართველოს ეროვნული არქივი, ფ. 133, № 37, გვ. 2.

პირთა ანოტაციები:

თოღუზაშვილი თეკლე

მჭადიჯვრის თემის სოფელ ძალისის მცხოვრები.

ვალიშვილი ალექსი

მჭადიჯვრის თემის სოფელ ძალისის მცხოვრები.
    
1876    
    
4 ივნისი    
    
აკაკი წერეთელი გაზეთ „დროებაში“ ბეჭდავს კრიტიკულ წერილს ილია ჭავჭავაძისა და ნიკო ნიკოლაძის კამათის შესახებ ქუთაისის ბანკის საკითხებთან დაკავშირებით, სათაურით „უდროვო ბრძოლა“  წყარო:

გაზ. „დროება“, 1876, 4 ივნისი, № 55, გვ. 1-2.

პირთა ანოტაციები:

წერეთელი აკაკი როსტომის ძე (1840-1915)

პოეტი, პროზაიკოსი, დრამატურგი, მთარგმნელი, საზოგადო მოღვაწე. ნიკოლაძე ნიკო (ნიკოლოზ) იაკობის ძე (1843- 1928) – ცნობილი პუბლიცისტი, კრიტიკოსი და საზოგადო მოღვაწე.
    
1880    
    
4 ივნისი   
    
თავმჯდომარეობს ქშწ-კგ საზოგადოების სხდომას, რომელზეც მსჯელობენ პირველი სექტემბრისთვის თბილისისა და ბათუმის სკოლების გახსნის აუცილებლობაზე, იღებენ დადგენილებას შესასწავლი საგნების, მასწავლებლების მიზიდვის, ინფორმაციის გავრცელების, ხელფასებისა და სხვა ხარჯების შესახებ. ნიკო ცხვედაძეს ავალებენ იმ ნივთების სიის შედგენას, რომელთა საცავი და მარაგიც სჭირდება საზოგადოებას. საეკლესიო გალობის აღმდგენი კომიტეტის თხოვნის საფუძველზე, ყოველთვიური დახმარება ეძლევა მელქისედეკ ნაკაშიძეს, რომელიც მსურველებს უფასოდ ასწავლის ქართულ გალობას.   წყარო:

ქშწ-კგ საზოგადოების ოქმი, საქართველოს ეროვნული არქივი, ფ. 481, № 2, გვ. 81.

პირთა ანოტაციები:

ცხვედაძე ნიკოლოზ (ნიკო) ზებედეს ძე (1845-1911)

საზოგადო მოღვაწე, პედაგოგი, პუბლიცისტი. დაამთავრა მოსკოვის აკადემია. 1869 წლიდან ასწავლიდა თბილისის სასულიერო სემინარიაში, 1874 წლიდან – თბილისის ქალთა ინსტიტუტში. 1898 წლიდან სათავეში ჩაუდგა ქართული გიმნაზიის, სინამდვილეში მომავალი ქართული უნივერსიტეტისათვის შენობის აგების საქმეს.

ნაკაშიძე მელქისედეკ გიორგის ძე (1858-1934)

მგალობელი, ლოტბარი, მედავითნე. მოღვაწეობდა ათონის მთაზე, სიონის, ანჩისხატისა და ქაშვეთის ტაძრებში, ასწავლიდა სასულიერო სემინარიაში, მონაწილეობდა ქართული გალობის ნოტებზე გადატანაში.
    
1886    
    
4 ივნისი    
    
გაზეთ „ივერიაში“ უსათაუროდ და ხელმოუწერლად აქვეყნებს მოწინავეს თარიღით „ტფილისი, 3 ივნისს“ („ეს ერთი თვე, თუ მეტ-ნაკლები, იქნება, რაც გაზეთები ლაპარაკობენ...“). მწერლის თხზულებათა კრებულებში იბეჭდება სათაურით „დავა საზღვრის გამო რუსეთსა და ჩინეთს შორის“. გაზეთის იმავე ნომრის „დამაკვირდის“ რუბრიკაში „ლარიძის“ ფსევდონიმით ბეჭდავს ლექსს „სიკეთით სძლიე შენს მტერსა...“   წყარო:

გაზ. „ივერია“, 1886, 4 ივნისი, № 117, გვ. 1, 2; ი. ჭავჭავაძე, თსკ ოც ტომად, ტ. 8, 2007, გვ. 75.
    
1887    
    
4 ივნისი    
    
გაზეთ „ივერიაში“ უსათაუროდ და ხელმოუწერლად აქვეყნებს მოწინავეს თარიღით „ტფილისი, 3 ივნისი“ („მას აქედ, რაც იტალია გაერთდა...“). მწერლის თხზულებათა ოცტომეულში დაიბეჭდა სათაურით „რომის პაპების ბრძოლა ძველი დიდების აღსადგენად“.   წყარო:

გაზ. „ივერია“, 1887, 4 ივნისი, № 110, გვ. 1-2; ი. ჭავჭავაძე, თსკ ოც ტომად, ტ. 9, თბ., 2006, გვ. 377.
    
1892    
    
29 მაისი – 4 ივნისი   
    
 გაზეთ „ნოვოე ობოზრენიეში“ „გ. მაიაშვილის“ ფსევდონიმით იბეჭდება გიორგი ზდანევიჩის ვრცელი რეცენზია ილია ჭავჭავაძის თხზულებათა ოთხტომეულის პირველ ტომზე  წყარო:

„Кн. Илья Гр. Чавчавадзе как поэт (Сочинения Ильи Чавчавадзе. Т. Ι. Поэтические произведения...)“, გაზ. «Новое обозрение», 1892, № 2896, 2897, 2902.

პირთა ანოტაციები:

ზდანევიჩი გიორგი ფელიქსის ძე (1854-1917)

პუბლიცისტი, ეკონომისტი, რევოლუციონერხალხოსანი, წერდა ფსევდონიმით „მაიაშვილი“. ციმბირში გადასახლებიდან დაბრუნდა 1889 წელს და თანამშრომლობდა ქართულ პრესაში.
    
4 ივნისი   
    
ქართულ დრამატულ საზოგადოებში შეაქვს საწევრო გადასახადი.  
   წყარო:

კ. კეკელიძის სახ. ხელნაწერთა ეროვნული ცენტრი, ილია ჭავჭავაძის არქივი № 9 (ქვითარი № 38).
4 ივნისი   
    
ესწრება დრამატული საზოგადოების საგანგებო კრებას. ასაბუთებს ივანე მაჩაბლის მიერ 12 აპრილს საზოგადოების რიგით სხდომაზე ჩატარებული კომიტეტის არჩევნების უკანონობას და ინიშნება ახალი არჩევნები.   წყარო:

გაზ. „ივერია“, 1892, 7 ივნისი, № 117, გვ. 2.

პირთა ანოტაციები:

მაჩაბელი ივანე (ვანო) გიორგის ძე (1854-1898)

პოეტი, მთარგმნელი, პუბლიცისტი, საზოგადო მოღვაწე, სათავადაზნაურო საადგილმამულო ბანკის დირექტორი.
    
1893    
    
4 ივნისი   
    
 დავით მიქელაძესა და არტურ ლაისტთან ერთად ჩადის თელავში.  წყარო:

გაზ. „ივერია“, 1893, 10 ივნისი, № 120, გვ. 2.

პირთა ანოტაციები: მ

იქელაძე დავით (1843-1918)

მწერალი, დრამატურგი, ჟურნალისტი, მთარგმნელი. განათლება მიიღო პეტერბურგსა და პარიზში, თანამშრომლობდა „დროებასა“ და „ივერიაში“.

ლაისტი არტურ (1852-1927)

გერმანელი მწერალი, პუბლიცისტი, მთარგმნელი. შეისწავლა ქართული ენა, და აქვეყნებდა საქართველოსთან დაკავშირებულ სტატიებს. თბილისში დააარსა გერმანული გაზეთი “Kaukazishe post”.
    
1900    
    
4 ივნისი    
    
ავადმყოფობის გამო ვერ ესწრება ქშწ-კგ საზოგადოების წევრთა წლიურ კრებას.   წყარო:

გაზ. „ივერია“, 1900, 4 ივნისი, № 118, გვ. 2.
    
1904    
    
4 ივნისი    
    
სოფელ წინარეხის საზოგადოება მას და გამგეობის სხვა წევრებს ულოცავს ქშწკგ საზოგადოების 25 წლისთავს.   წყარო:

გაზ. „ცნობის ფურცელი“, 5 ივნ., № 2515, გვ. 2.
    
1905    
    
28 მაისი - 4 ივნისი     
    
ქვეყნდება ილია ჭავჭავაძის წერილის „ნუთუ?“ რუსული თარგმანი.  წყარო:

Неужели? (Ответ кн. Ильи Чавчавадзе на корреспонденцию „Могзаури“. Перев. Статьи из „Приложения к газ. „Иверия“ № 68, „Кавказский край“, 1905, № 10, 11.