აბაშიძე ვახუშტი
შესწირა თავის სამკვიდრებელს, კაცხის მონასტერს, ნაყიდი ყმა-მამული: ცელისტარასშვილისაგან ნაყიდი ვენახი და ადგილი მეეკვდრისათვის, საძროხედ ზეშთელისა და თაყასაგან ნაყიდი რომანაული პარტახტი, რომელსაც მხოლოდ ღვინის ბეგარა ედვა, ღვერეს სასახლე, საზაფხულო სასახლე ხუმაღალს. საყდრის ყმას ევალებოდა: ზვრის სამუშაოზე ოთხი დღე მუშაობა, მიღებული ღვინის მეოთხედის ოდენი სხვა ღვინო უნდა ეძლიათ მეზვრისათვის. ამილბართულზე უნდა გამოეღოთ: ერთი ლიტრა სანთელი, ერთი ცხვარი, ერთი ლიტრა მარილი, გლეხი ორად–გრიგოლასეული და მწავისეული, ორად–ბუველებიანაურისშვილი და დათვიასეული, ერთად–მურვანაული მისი სამოსახლოთი, ორად–ბაბლიური და კილაური, ორად–ნუკრაული, რვადბასთან ღუვერკი, ოთხად: ღვინაური, მამითური, ბელებაძე და მახნიაშვილი, ერთად ჭიჭახაური, ორად–გიბიაური, ორად–მოგონაძე, ერთად–ვაჭარაული, მოგონაძეს ქვემოთ ვენახი და ადგილი, ერთად–გოგალაური და ოქროპირაული, ორად–გოგინასეული და მჭედლისეული... ამათ ემართათ: თითო საკლავი,შვიდ-შვიდი ქათამი, ოცდასამ-ოცდასამი კვერცხი, თითო ლიტრა ქერი, ექვს-ექვსი კოკა ტკბილი, ორ-ორი კაპევეტი, ორ-ორი მტკაველი თითო ჩარექი სანთელი, ნახევარ-ნახევარი ჩარექი მკედი სელისა სანთლის კულად, ათ-ათი ზურგი თივა, თითო საბელი; სახასო გუველებიანაურისშვილისა და გრიგოლასი, ალიბარულის საზღვარს იქით ჩხერისმელემდე და ძირულამდე გუველესიანების საზღვრამდე.ტყე და მინდორი ღოდაური, სვიმონაური, ფარსმანაული. შესწირა აგრეთვე სააღაპედ ერთი სასახლე, კაპარჭინაშვილის ზემოთ სახასო ტყე, უბიანი დეკანოზისათვის, რომელსაც უნდა გამოეღო ხუთი კოკა ღვინო; ჭიჭილაურზე ოთხი კომლი კაცი, რომლებსაც უნდა გამოეღოთ რვა ცხვარი, ოთხი ყვერული,რვა კოდი პური, ორმოცი კოკა ღვინო. თეთროწყაროდან ყოველ კომლს ორ-ორი ჩარექი სანთელი, თითო მარჩილის წონა საკმეველი, ხუთ-ხუთი ლიტრა მარილი, თითო შულო ბამბის ნასთი; ყოველივე ეს დეკანოზსა და მოურავს უნდა ჩაებარებინათ. დაუდგინა მათ სარგო და განუსაზღვრა გასაცემელის ოდენობა; ჭილაური ოთხი კომლი კაცი; კომლს, სააღაპეს გარდა,მოურავისა და დეკანოზისათვის უნდა მიერთმია ექვსი ქათამი, ორი ქუა[ბი] ღომი, ერთი კოდი ქერი, ოცდასამი კვერცხი, ორი მარხილი თივა, ნახევარი მოურავისათვის და ნახევარი დეკანოზისათვის, კომლზე კვირაში ორ-ორი დღის მუშაობა. შესწირა: წევას ლომინისაგან ნაყიდი პარტახტი ტაბატაური, ერთ გლეხად; მახარებელ გაჩეჩილაძე და მისი განაყოფი ორ გლეხად, დეისმამაური განაყოფით. დააკისრა:ერთი ჩარექი სანთელი,ერთი ცხვარი და ერთი მთელი საკლავი, ორი კოდი პური, ხუთი კოკა ღვინო, ერთი ლიტრა მარილი. გაუჩინა დეკანოზს წეველთაგან სარგო. დაავალა მათი მიხედვა ფარემუზ მაჭავარიანს, მის შვილს, ნათესავს, აჭარელ, წეველ და იღმელ მოხელეებს; საწერეთლოს ხუცესი მახარებელი, რომელსაც უნდა გამოეღო: ორი ჩარექი სანთელი, მისი მკედი, ორი ცხვარი, ერთი ლიტრა მარილი, ქაღალდისასშვილები, მათ უნდა გამოეღოთ: ერთი ჩარექი სანთელი, მისი მკედი, ერთი ცხვარი, ორი ჩარექი მარილი, ხუთ-ხუთი ჩაფი ღვინო. ზედამხედ ველობა მათზე დაავალა ფარემუზს [მაჭავარიანს]. გაუჩინა აღაპის წესი საწერეთლოელებს და სარგო დეკანოზს და წინამძღვარს; ქორეთს–ხუცის სახლი, უნდა გამოეღო: ერთი ცხვარი, ერთ საკლავი,ერთი ჩარექი სანთელი, მისი მკედი, ერთი ლიტრა მარილი, ათი კოკა ტკბილი; მლაშეს–იამანიძისეული მამული, ევალებოდა: სააღდგომოდ ერთი ცხვარი, სამი ყვერული, ერთი ლიტრა მარილი, თექვსმეტი ადლი ტილო, ორი ლიტრა სანთელი; ვანთს–გოგიჩა სასნაშვილის მამულიდან: ერთი ცხვარი, ერთი საკლავი, ერთი ლიტრა მარილი, ერთი ჩარექი სანთელი, მისი მკედი; ხუთ სასასნაუროს ევალებოდა: ხუთი გვერდი პური, ათი კოკა ღვინო კომლზე; დაადგინა მოხელეთა და ხუცესთა სარგო ვანთიდან; ფაქუთს–სათუთური მამული, ფერისცვალება დღეს უნდა გამოეღო:ერთი ცხვარი, ერთი საკლავი, ერთი ლიტრა მარილი, ერთი ჩარექი სანთელი, მისი მკედი, ორი კოდი პური, ათი კოკა ღვინო; გააჩინა სარგო ხუცესისათვის, მოურავისა და მოხელისათვის; კოდისწყაროთათვის ჭარტალს ერთი ოქრაძე, უნდა გამოეღო: ერთი ცხვარი, ერთი საკლავი, ერთი ლიტრა მარილი, ერთი ჩარექი სანთელი, მისი მკედი, ათი კოკა ტკბილი; გაუჩინა სარგო მოურავს, მოხელეს და ხუცესს. შესწირა „შვილურად გაზრდილი“ ფასიტაი, შვილებითა და მამულით. მას ჩააბარა შეწირულ ყმა-მამულზე მეურვეობა ([1550-1570 წწ.] 1449–1583).