დინარი - იგივეა, რაც  მდენარი - ძველი ქართული ლექსის სახეობა, თექვსმეტმარცვლიანი  შაირით დაწერილი და მოსაზღვრე რითმებით გაწყობილი შვიდტაეპიანი ლექსი, რომლის ბოლო ტაეპში ავტორის სახელია ჩართული.

ღამე დღედ განაბრწყინა - ღამე დღედ გადააქცია, გაათენა; გათენება დააწესა. ბიბლიის მიხედვით, უფალმა წყვდიადი სინათლით შეცვალა. ბნელი იდო უფსკრულზედა სული ღვთისა იძვროდა წყლებს ზემოთ. თქვა ღმერთმა: იყოს ნათელი! და იქმნა ნათელი (ძველი აღთქმა, დაბადება).

აღმოფინა - აღმოაცენა, გააჩინა. მიწა და წყალი შეგვზილა - ბიბლიის მიხედვით, ღმერთმა ადამიანის სხეული მიწისაგან, ტალახისაგან შექმნა.

სული ცხოველი - მარადიული, უკვდავი სული. დაგაწყებინა ქშენაო - აქ: სუნთქვის საშუალება, შესაძლებლობა მოგცა.

ნდომა ცოლ-ქმრობის სურვილით,  საჭმელ-სასმელით რჩენაო,
მას ღმერთსა მსხვერპლი შესწირე,  დავითმა მოგახსენაო.