Rus. ДесерпцияE. Deserption 1. ფხვიერი წარმონაქმნის ნელი გადაადგილების ან ჩამოცოცების პროცესი ფერდობზე, ვითარდება ნალექების მასის მოცულობის რყევით და განუწყვეტელი სიმძიმის ძალის მოქმედებით; ქანების ფხვიერი მასის შეკავშირებული ან ფარული ნელი გადაადგილება; თვალისათვის შეუმჩნეველი დაცურება მასის მოცულობის შეცვლის შედეგად, გამოწვეული გათბობით ან გაციებით, გამოშრობით, დასველებით, დნობით და გაყინვით. სინონიმები: კრიპი, ჩამოცოცება, დაწევა. 2. ძირითადად ფხვიერი მშრალი გამოფიტვის პროდუქტების საფარის მოძრაობა გამოწვეული ერთობლივი ზემოქმედებით გრავიტაციისა და იმ ძალისა, რომელიც წარმოიქმნება გაფართოებითა და შეკუმშვით ტემპერატურის ცვალებადობის დროს; 3. ფხვიერი ნალექების პლასტიკური დინება /ჩამოცურება/ ფერდობზე მათი კონსისტენციის შეცვლის შედეგად, თიხიან ან თიხნარიან ქანებში; 4. ქანების კრიოგენული ჩამოცურება ფერდობზე.
Source: საინჟინრო-გეოლოგიური და გეოეკოლოგიური განმარტებითი ლექსიკონი = Инженерно-геологический и геоэкологический толковый словарь = A dictionary of engineering-geology and geoekology : (რუსულ-ინგლისურ-ქართულ ტერმინთა შესატყვისობით და ქართული განმარტებით), თბილისი : მეცნიერება, 2005. ISSN 99928-962-4-8.