Rus. Инженерная геологияE. Engineering geology გეოლოგიური მეცნიერების დარგი, რომელიც სწავლობს ნაგებობების მშენებლობის საინჟინრო - გეოლოგიურ პირობებს, გეოლოგიური გარემოს რაციონალურ გამოყენებასა და დაცვის საკითხებს, გეოლოგიური პროცესებისა და მოვლენების განვითარებასთან კავშირში. მისი კვლევის პრობლემების სფეროში შედის: ტერიტორიის საინჟინრო - გეოლოგიური პირობების ფორმირების, გეოლოგიური გარემოს ზონაში მოქცეული ქანების ფიზიკურ - მექანიკური თვისებების, ბუნებრივი გეოლოგიური და საინჟინრო - სამეურნეო საქმიანობით გამოწვეული პროცესებისა და მოვლენების კანონზომიერების დადგენა. ეს არის პრობლემათა კრიტერიუმი, რომელიც ახასიათებს ტერიტორიის საინჟინრო - გეოლოგიური პირობების არაერთგვაროვნებისა და ცვალებადობის კანონზომიერ განაწილებას, გეოლოგიური სივრცის ორგანიზაციას, გეოლოგიური პროცესებისა და მოვლენების პროგნოზირებას და მართვას ადამიანისთვის საჭირო მიმართულებით.
Source: საინჟინრო-გეოლოგიური და გეოეკოლოგიური განმარტებითი ლექსიკონი = Инженерно-геологический и геоэкологический толковый словарь = A dictionary of engineering-geology and geoekology : (რუსულ-ინგლისურ-ქართულ ტერმინთა შესატყვისობით და ქართული განმარტებით), თბილისი : მეცნიერება, 2005. ISSN 99928-962-4-8.