ერაყის ხელისუფლებამ გაეროს გადასცა დოკუმენტი, რომელშიც დასახელებული არიან ის ქვეყნები, რომლებიც ერაყს ეხმარებოდნენ მასობრივი განადგურების იარაღის დამზადებაში, აწვდიდნენ იარაღს, მასალებსა და ტექნოლოგიებს.

იმ კომპანიებმა, რომლებიც ერაყთან თანამშრომლობდნენ, თავადაც მიაწოდეს ინფორმაცია გაეროს საკუთარი მოღვაწეობის შესახებ - იმ პირობით, რომ გაერო ინფორმაციის გაჟონვას არ დაუშვებს.

ერაყის მიერ გაეროსთვის გადაცემულ ანგარიშს ხელს აწერს ქვეყნის საგარეო საქმეთა მინისტრი ნაჯი საბი. ანგარიშში საუბარია ერაყის პროექტებზე, მაგრამ არ არის მითითებული, განხორციელდა თუ არა რომელიმე პროექტი.