სოხუმის მთავრობის ახალი პრემიერის, გენადი გაგულიას, მოსკოვში "ზომაზე მეტხანს" შეყოვნება განპირობებულია მისი სურვილით, რიგითი "სამეურნეო მუშაკიდან" "არძინბას სრულუფლებიან მემკვიდრედ" გადაიქცეს.

არძინბას კლანმა ანრი ჯერგენია სწორედ იმიტომ შეცვალა მანამდე უცნობი მოხელით, რათა სოხუმის ხელისუფლების იერარქიაში მეორე პირისთვის საპრეზიდენტო ამბიციები ჩაეცხრო. გაგულია კი არ კმაყოფილდება "ცერემონიალური პრემიერის" სტატუსით, მხარდაჭერას რუსეთის პრეზიდენტის ადმინისტრაციის მაღალჩინოსნებს შორის ეძიებს, სოხუმში კი იტყობინება, რომ აფხაზეთის კონფლიქტის მოგვარების საკითხებში რუსეთის პრეზიდენტის სპეცწარმომადგენელთან, ვალერი ლოშჩინინთან, ერთად მართავს კონსულტაციებს.