2002 წლის შემაჯამებელ პრესკონფერენციაზე დევიდ ვუდვორდმა, BP-ის აზერბაიანის წარმომადგენლობის პრეზიდენტმა, განაცხადა, რომ რამდენიმე უარყოფითმა ფაქტორმა 2003 წლის პირველი კვარტლიდან მესამეზე გადაწია მსოფლიო ინვესტორებთან მოლაპარაკებების დასრულება 2.1 მილიარდი დოლარის კრედიტის გამოყოფის შესახებ, რაც აუცილებელია 1760 კილომეტრიანი ბაქო-ჯეიჰანის ნავთობსადენის მშენებლობისათვის.

იმ ფაქტორებს შორის, რომლებმაც ნეგატიური გავლენა მოახდინეს ბაქო-ჯეიჰანის პროექტის ფინანსურ ბედზე, ვუდვორდმა დაასახელა ეკოლოგიური ბატალიები ბორჯომის ხეობის გარშემო და მშენებლობისთვის საჭირო 2.95 მილიარდი დოლარის მოძიება.