ეუთოს მინსკის ჯგუფის ამერიკელი თანათავმჯდომარის, რუდოლფ პერინას, განცხადება იმის შესახებ, რომ აფხაზეთი და დნესტრისპირეთი, როგორც დამოუკიდებელი სახელმწიფოები, ვერასოდეს მოიპოვებენ საერთაშორისო აღიარებას, თუმცა "მთიანი ყარაბაღის შემთხვევა რამდენადმე განსხვავებულია", აზერაიჯანის საზოგადოების ერთმა ნაწილმა არასწორად გაიგო, - განაცხადა აზერბაიჯანის პრეზიდენტის აპარატის განყოფილების გამგემ, ნოვრუზ მამედოვმა.

პოსტსაბჭოთა სივრცეზე სხვა კონფლიქტებისაგან მთიანი ყარაბახის კონფლიქტი იმით განსხვავდება, რომ მისი მონაწილენი არიან აზერბაიჯანი და სომხეთი, ანუ ის სახელმწიფოთაშორისია; მაშინ, როცა აფხაზეთისა და დნესტრისპირეთის კონფლიქტები, შესაბამისად, საქართველოსა და მოლდოვის საშინაო პრობლემაა. სწორედ ეს და არა მთიანი ყარაბახის დამოუკიდებლობის საერთაშორისო აღიარების შესაძლებლობა ჰქონდა მხედველობაში რუდოლფ პერინას, - განაცხადა მამედოვმა.