გუშინ ბულგარეთში გაიმართა ჩემპიონთა ლიგის წლევანდელი გათამაშების მეორე საკვალიფიკაციო ეტაპის პირველი მატჩი ბულგარეთის ჩემპიონ "ლევსკისა" და ბოლნისის "სიონს" შორის. მასპინძელთა უპირატესობა თვალსაჩინო იყო და ეს ანგარიშშიც აისახა. თუმცა უნდა აღინიშნოს, რომ ბოლნისელებმა ბოლომდე იბრძოლეს და მსაჯის მიერ თამაშის დასრულებამდე 8 წუთით ადრე მსაჯს "სიონის" კარში პენალტი რომ არ დაენიშნა შედეგი მინიმალური იქნებოდა. ასე კი საქართველოს ჩემპიონმა - 2:0 წააგო და შეეცდება დეფიციტი საშინაო შეხვედრაში აღმოფხვრას. "სიონის" კარში გოლები ანგელოვმა მე-20 წუთზე და ბორიმიროვმა (პენალტით) გაიტანეს.