2015-01-31

გედევან ფოფხაძე: არ მიმაჩნია, რომ რგქფტ კშპრეთ ცფესრ-ს უფრო მეტი ინფორმაცია აქვს, თუ რა ხდება ჩემს სამშობლოში, ვიდრე - მე

- აღნიშნული განცხადება პარლამენტის ადამიანის უფლებათა დაცვის კომიტეტის თავმჯდომარის მოადგილემ გედევან ფოფხაძემ რგქფტ კშპრეთ ცფესრ-ის ანგარიშის შეფასებისას გააკეთა.
"რგქფტ კშპრეთ ცფესრ-ის პოზიციები ჩემთვის ყოველთვის საინტერესოა, თუმცა, არ მიმაჩნია, რომ აღნიშნულ ორგანიზაციას უფრო მეტი ინფორმაცია აქვს, თუ რა ხდება ჩემს სამშობლოში, ვიდრე - მე. ორგანიზაციის პოზიცია საყურადღებოდ მიმაჩნია, მაგრამ ეს იმას არ ნიშნავს, რომ მე ჩემს პოზიციას შევიცვლი იმის გამო, რომ ვიღაც რაღაც დასკვნას დებს. ორგანიზაცია ავტორიტეტულია, მისი დასკვნები საყურადღებოა, მაგრამ მე მიმაჩნია, რომ ჩვენ თანმიმდევრულად მივდივართ იმ გზით, რა გზითაც სახელმწიფომ უნდა იაროს. პროცესი მთლიანობაში დადებითია, ამის პარალელურად არსებობს კითხვის ნიშნები, მაგრამ ის, რომ მართლმსაჯულების პოლიტიზების კუთხით ვითარება გაუმჯობესებულია, ეს დავის საგანი არ არის. ის, რომ პოლიტიკური დევნა არ ხორციელდება, ესეც სადავო არ არის. შენიშვნები საყურადღებო უნდა იყოს, რათა თვითკმაყოფილებაში არ ჩავვარდეთ", - განუცხადა ჟურნალისტებს გედევან ფოფხაძემ.

აპრილი  2015

ორშ   

სამ   

ოთხ   

ხუთ   

პარ   

შაბ   

კვ