ჩვენი ქალაქი დღითი დღე მშვენდება დადიანისეული სასახლისა და კარის ეკლესიის მიმდებარე ტერიტორიაზე გაშენდა ჰოლანდიური სტილის მწვანე ფონში ჩაფლული ზღაპრული პარკი. როგორც, ჩვენთვის ცნობილი გახდა, სკვერი და საბავშვო ატრაქციონი პრეზიდენტის საჩუქარია ქალაქისათვის. მშენებლობას აწარმოებდა თბილისის ერთ-ერთი სამშენებლო ფირმა ,,ევროცენტრი", რომელსაც ხელშეკრულებით, ჩამოყვანილი ჰყავდა ჰოლანდიელი არქიტექტორი. გათვალისწინებული იყო 5 ატრაქციონის მოწყობა. პარკის მშენებლობის ღირებულება 2 მილიონი ევრო დაჯდბეა. საინტერესოა რას ფიქრობს და რა აზრისაა საზოგადოება.

თამაზი ახალაია: ჰოლანდიური პარკი კარგია. მიხარია თუ ჩვენი მთავრობა აკეთებს რაიმე კარგს ზუგდიდელებისთვის.

-არის თუ არა სიწმინდეების, ტაძრის გვერდით ატრაქციონის გახსნა მიზანშეწონილი?

დალი კიკალეიშვილი: მე ამ ობიექტის მოწყობას ზეიმით არ შევხვედრილვარ ეკლესიასთან პარკი არ არის მიღებული.

მიუხედავად საზოგადოებრივი აზრისა 26 მაისს ზუგდიდში საქართველოს დამოუკიდებლობის დღეს, საქართველოს პრეზიდენტმა მიხეილ სააკაშვილმა ,,ჰოლანდიური პარკი" მაინც გახსნა. ზუგდიდელებმა იხილეს ზღაპრული სანახაობა ატრაქციონებით, მწვანე პარკითა და ლამაზი შადრევნებით. განსაკუთრებით უხაროდათ ბავშვებს. მათ საშუალება მიეცათ უფასოდ ესარგებლათ ატრაქციონებით.