2006-10-02

დაპატიმრებული ტრაქტორების ისტორია

(კახეთის ხმა)გასულ კვირას გურჯაანის პოლიციის შენობაში კონსერვატიული და რესპუბლიკური პარტიის თავმჯდომარეები მოულოდნელად გამოჩნდენ. მოგვანებით მათ პრეზიდენტის მიერ გამოგზავნილი საჩუქრის, ტრაქტორების ადგილსამყოფელი მოიკითხეს და პოლიციის წარმომადგენლებს ტრაქტორების მარშრუტის დადგენა მოსთხოვეს. თინა ხიდაშელის განცხადებით, "პრეზიდენტის საჩუქარი, რომლითაც ის თავს იწონებს და ვითომდა კახელი გლეხებისათვის გადასაცემად გაამზადეს, სინამდვილეში უკანონოდ გადანაწილდა და გლეხებამდე არ მივიდა. მოვითხოვთ პასუხი გაგვცენ სად წავიდა ტექნიკა. ჩვენ გვაქვს საფუძვლიანი ეჭვი, რომ ტრაქტორების პოლიციის ეზოში დააპატიმრეს და ადრესატამდე არ მიდის. გარდა ამისა, ხალხი ამბობს, რომ ის მაღალჩინოსნის ვენახებისათვის სჭირდებათ". იგივე განაცხადა ზვიად ძიძიგურმაც, რომელმაც კატეგორიულად ოითხოვა ახსნა-განმარტება. პოლიციის შენობაში სოფლის მეურნეობისა და სურსათის მინისტრი მიხო სვიმონიშვილი გამოჩნდა, რომელმაც ოპოზიციური პარტიის წარმომადგენლებს აუხსნა, რომ ტრაქტორების განაწილებაში დარღვევა არ ყოფილა. რაც შეეხება პოლიციის ეზოში "დაპატიმრებულ 4 მათგანს, ის ტენდერის გზით უნდა გადანაწილდეს. სვიმონიშვილის განცხადებით, ტექნიკის მფლობელი ის კომპანია გახდება, ვინც სწორ მენეჯმენტს აჩვენებს და ტენდერის პირობებს დააკმაყოფილებს."

ტრაქტორების სამართლაინი გადანაწილების შესახებ მოსახლეობას ეჭვი ეპარება და ოპოზიციის ლიდერები თავად დაპატიჟა საქმეში გასარკვევად. ხალხი თვლის, რომ ტექნიკის უკან მაღალჩინოსნები დგანან. გავრცელდა ინფორმაცია, რომ ირაკლი ოქრუაშვილმა კახეთში რამდენიმე ჰექტარი ვენახი შეიძინა და ტრაქტორებიც მის მამულში წაიღეს.

აპრილი  2006

ორშ   

სამ   

ოთხ   

ხუთ   

პარ   

შაბ   

კვ