საქართველოს ხელოვნების მუშაკთა პროფკავშირის ზუგიდის რაიონული ორგანიზაცია დაფუძნდა 2006 წლის ზაფხულში. მას სათავეში უდგას ზუგდიდის შალვა დადიანის სახელობის დრამატული თეატრის მსახიობი - მერაბ კაკალია. ორგანიზაციაში გაწევრიანებული არიან: თეატრის, კულტურის სამსახურის, I და II სამუსიკო და სამხატვრო სკოლების, სამხატვრო გალერეის ხელოვნების მუშაკები. მათი ძირითადი მოვალეობაა დაიცვან ხელოვანთა პროფესიული ინტერესები. ,,ღია ბოქლომი" ესაუბრა ორგანიზაციის თავმჯდომარეს მერაბ კაკალიას.

-პროფკავშირის ძირითადი მოვალეობაა მხარდაჭერა გაუწიოს ხელოვნების მუშაკებს: შტატების შემცირებისა, ხელფასის დაკავებისას და სხვა პრობლემატურ საკითხებთან დაკავშირებით. გაწევრიანებულ ხალხს შეძლებისდაგვარად ვეხმარებით. მათ ევალებათ საწევროს გადახდა, ხელფასის 1%.

-როგორც ვიცით, ავადმყოფებსაც ეხმარებით.

-ძალიან ბევრი გაკეთდა მათთვის, პროფკავშირმა არაერთ გულით დაავადებულს უმკურნალა. გამოკვლევა უნდა გაკეთებულიყო თბილისში, ანზორ მელიას კლინიკაში. მაგრამ ავადმყოფებმა ვერ მოახერხეს თბილისში ჩასვლა და გვთხოვეს, იქნებ ზუგდიდში მოგვეხერხებინა მკურნალობა მელიას სამედიცინო ცენტრის ,,გულის" ფილიალში. Bბატონი დათო ოქიტაშვილის დახმარებით და PშP ჯგუფის მხარდაჭერით მოხერხდა აპარატურის გადმოტანა და მათი სამკურნალო წამლებით დაკმაყოფილება.

-გაგვაცანით პროფკავშირის მიერ განხორციელებული სხვა საქმიანობები!

-იყო ისეთი პერიოდი, რომ ფინანსები არ ქონდა თეატრს, სპექტაკლი რომ განეხორციელებინა. ჩვენი პროპფკავშირის მირ მოძიებული სპონსორის დახმარებით, რეჟისორმა დადგა მშვენიერი სპექტაკლი. თეატრში მივაღწიეთ იმას, რომ შტატები არ შემცირებულიყო. მჭიდრო კავშირი გვაქვს იმ ახალგაზრდებთან, ვინც ხელოვნებას ემსახურება, ლიტერატურულ კლუბ ,,ნოეს"-თან. ვეხმარებით საღამოების მოწყობაში.

ჩვენ გვქონდა კოლეეგიის სხდომა, სადაც ვისაუბრეთ იმაზე, რომ ერთჯერადი დახმარების ნაცვლად, თვითონ შეუძინოთ მარტოხელა დედებს, მათთვის საჭირო ნივთები, ავადმყოფს წამალი ან პოლიკლინიკას ჩვენვე გადავურიცხოთ სამკურნალო და მედიკამენტებისთვის საჭირო თანხა.

-პროფკავშირში ხელოვნების დარგის ყველა ორგანიზაციაა გაწევრიანებული.

-ზოგიერთები ჩვენთან გაწევრიანებაზე თავს იკავებენ. მუზეუმს გავაცანით ჩვენი დებულება, თუმცა პასუხი დღემდე არ მიგვიღია.

-თქვენი სამომავლო გეგმები &როგორია...

-ამ დღეებში ბათუმში ტარდება სამდღიანი ტრეინინგი, სადაც მონაწილეობას ვღებულობ. იქიდან ჩამოსვლისთანავე ვაპირებ ზუგდიდის პროფკავშირების წევრებს შორის ჩავატარო ჩემპიონატი ნარდში. დავაწესებ ფულად პრემიას ვაპირებთ მოვაწყოთ ექსკურსიები. შარშან თბილისიდან გამოგვიგზავნეს საგზურები, ქობულეთის პანსიონატში, 3 ჯერადი კვებით, ღირებულება -20 ლარი. წელსაც ველოდებით, თუმცა უფრო იაფად. ზუგდიდის ხელოვანთა პროფკავშირის წევრების სახელით მადლობას ვუხდით დავით ოქიტაშვილს, მანანა დარსაძეს და ყველას ვისაც მეტ-ნაკლები წვლილი მიუძღვის პროფკავშირის ერთობლიობასა და თანადგომაში.

P.S. იმედია ორგანიზაციას შემოუერთდებიან სხვა ხელოვნების და კულტურული დარგის ორგანიზაციები, რათა ერთად განახორციელონ ის საკეთილდღეო მისია, რომელიც პროფკავშირებს სამომავლოდ აქვთ დასახული.