ერაყში ქართველი სამხედროების მისია იზრდება.Bბაღდადიდან და ქ. ბაქებიდან მე-3 ბრიგადის პირველი და მესამე ბატალიონი ალკუტაში მოიყრის თავს. წესით მესამე ბატალიონი უკვე სამშობლოში უნდა დაბრუნებულიყო, მაგრამ ეს მისია მათ აგვისტომდე გაუგრძელდებათ, დისლოკაციის ადგილის შეცვლის გამო. ალკუტაში ქართველი სამხედროები ირანის საზღვარს გააკონტროლებენ. ქართველი სამხედროები მისიას უკვე დამოუკიდებლად შეასრულებენ და ასევე რამდენიმე ქვეყანა დაექვემდებარებათ. ამ დრომდე ქართველი სამხედროები ამერიკული სამხედროების დაქვემდებარების ქვეშ იმყოფებოდნენ. ქართველი ძალოვნების განცხადებით, მათ არ მოუწევთ საბრძოლო ამოცანების შესრულება. ისინი პატრულირებით და საკონტროლო გამშვებ პუნქტზე მორიგეობით შემოიფარგლებიან, საიდანაც ტერორისტებს სავარაუდოდ ირანიდან იარაღის კონტრაბანდა შემოაქვთ.

პირველი საერთაშორისო ვიზიტით ერაყში საქართველოს თავდაცვის მინისტრი დავით კეზერაშვილი იმყოფებოდა, სადაც ადგილზე გაეცნო ქართველი სამხედროების მდგომარეობას. აღსანიშნავია, რომ კეზერაშვილი ერაყიდან კმაყოფილი დაბრუნდა. ქართველი სამხედროების მეტი რაოდენობით გაგზავნას, ერაყში უკვე პოლიტიკური სახე მიეცა. ეს ყველაფერი იმ დროს ხდება, როცა დიდი ბრიტანეთი ერაყში კონტიგენტს ამცირებს, რამდენიმე ევროპული ქვეყანა ამ მისიაზე საერთოდ უარს ამბობს. აშშ-ის სენატი მხარს არ უჭერს ერაყში ამერიკული სამხედროების კონტიგენტის გაზრდას ერაყში. მინედია ამერიკული რადარების სავარაუდო განთავსებას საქართველოში უარყოფითი შედეგები არ მოყვება და ტერორისტებისთვის ,,მიმზიდველი" ქვეყანა არ გავხვდებით.