2010-06-30

ვიწყებთ უკრაინით, ვამთავრებთ რუსეთით

კუნძულ მალტაზე გაიმართა FIRA AER-ის მორიგი კონგრესი, სადაც მომავალი ერთა თასის გათამაშების კალენდარსა და ფორმატზე იმსჯელეს. საერთაშორისო ფედერაციის ხელმძღვანელებმა ინიციატივით მიმართეს წევრ ფედერაციებს, FIRA AER-ის ეგიდით გამართულ შეჯიბრებებში ქულათა დათვლის სამხრეთული სისტემა შემოიღონ.
სამხრეთული სისტემის პრინციპი ასეთია: მოგებაზე გუნდი ოთხ ქულას მიიღებს. თუ გუნდმა თამაშში ოთხი და მეტი ლელო გაიტანა, დამატებით ერთ პრემიალურ ქულას იმსახურებს. ფრეზე გუნდებს ორ-ორი ქულა მიეკუთნებათ, წაგებაზე კი ნული ქულაა. პრემიალური ქულის მიღება წაგებულსაც შეუძლია - ეს იმ შემთხვევაში, თუ მეტოქეს შვიდ ქულაზე მეტს არ დაუთმობს.
დადგინდა ერთა თასის კალენდარი. საქართველოს ნაკრები პირველ ტურში, 4 თებერვალს გათამაშების დებიუტანტ უკრაინის ნაკრებს სტუმრობს. ამის გარდა, "ბორჯღალოსნები" კიდევ ორ გასვლით შეხვედრას გამართავენ პორტუგალიასა და რუსეთში. თბილისში კი ესპანეთისა და რუმინეთის გუნდებს ვუმასპინძლებთ.
მალტაზე ერთი ღირსშესანიშნავი ფაქტიც მოხდა: საქართველოს რაგბის კავშირის სანაკრებო კომიტეტის თავმჯდომარე გიორგი ჭუმბურიძე რაგბის განვითარების საქმეში გაწეული ხანგრძლივი და ნაყოფიერი საქმიანობისთვის FIRA AER-ის ბრინჯაოს მედლით დააჯილდოეს.

ერთა თასი
I ტური, 4 თებერვალი
უკრაინა-საქართველო, ესპანეთი-რუსეთი, პორტუგალია-რუმინეთი
II ტური, 12 თებერვალი
საქართველო-ესპანეთი, რუსეთი-პორტუგალია, უკრაინა-რუმინეთი
III ტური, 26 თებერვალი
პორტუგალია-საქართველო, რუმინეთი-რუსეთი, ესპანეთი-უკრაინა
IV ტური, 12 მარტი
საქართველო-რუმინეთი, ესპანეთი-პორტუგალია, უკრაინა-რუსეთი,
V ტური, 19 მარტი
რუსეთი-საქართველო, რუმინეთი-ესპანეთი, პორტუგალია-უკრაინა

ავტორი:  მოამზადა ბესიკ ჯანგავაძემ

აპრილი  2010

ორშ   

სამ   

ოთხ   

ხუთ   

პარ   

შაბ   

კვ