2010-06-30

ტენდაი მთავარირა დაბრუნდა

სამხრეთ აფრიკის მწვრთნელმა პიტერ დე ფილიერსმა პირადად გადასცა მოწვევა "ნატალ შარქსის" შერკინების ბურჯ ტენდაი მთავარირას, რომელსაც რამდენიმე თვის წინ ქვეყნის სპორტის სამინისტრომ "ბოკეს" შემადგენლობაში თამაში აუკრძალა. ტენდაი ზიმბაბვეში დაიბადა და აქამდე სამხრეთ აფრიკის მოქალაქეობა არ ჰქონდა. ახლა ეს პრობლემა მოგვარებულია და "ცხოველას", როგორც მეგობრები უწოდებენ, სამხრეთ აფრიკის ნაკრებში თამაშის სრული უფლება აქვს.
დე ფილიერსმა მთავარირა სამი ერის მატჩებში საასპარეზოდ მიიწვია. "ბოკე" პირველ შეხვედრას 10 ივლისს ოქლენდში ახალი ზელანდიის ნაკრების წინააღმდეგ გამართავს. ერთი კვირის თავზე კი ველინგთონში ისევ "ოლ ბლექსთან" მოუწევს დაპირისპირება. 24 ივლისს სამხრეთაფრიკელები ავსტრალიაში გადაფრინდებიან და ბრისბენში "ვოლაბებთან" ითამაშებენ.
დე ფილიერსმა ყველა უძლიერესის შეკრება შეძლო. "ჩვენ ძალიან ძლიერი გუნდი გვყავს - სიამაყით ამბობს "ბოკეს" თავკაცი - გაგვიმართლა, რომ ასეთი დიდი არჩევანის საშუალება მოგვცა. გუნდში არიან მრავალ ბრძოლაში გამოცდილი მორაგბეებიც და რამდენიმე ახალი მოთამაშეც, რომლებმაც წლევანდელ სეზონში ბრწყინვალე თამაშის წყალობით მოიპოვეს ნაკრებში ადგილი. გვყავს რამდენიმე უნივერსალი მორაგბეც, რომლებსაც, საჭიროების შემთხვევაში, სხვადასხვა პოზიციაზე თამაში შეუძლიათ.
სამი ერის გათამაშებაში უძნელესი მატჩები გვექნება. კარგია, რომ პირველი ორი შეხვედრა ახალ ზელანდიაშია, 2011 წლის მსოფლიო თასიც ხომ ამ ქვეყანაში ტარდება, თუმცა "ოლ ბლექსთან", რომელიც შესანიშნავი გუნდია, სტარტზე ორი ურთულესი მატჩი გველის".
სამხრეთ აფრიკა
შერკინება: ანდრეას ბეკერი, ფრანსუა ლავი, სხალკ ბურხერი (სამივე-სთორმერზი), ბაკის ბოთა, ვიქტორ მეტფილდი, დიუვალ პოტხიტერი, ჩილიბოი რელეპელე, დენი როსუ, პიერ სპისი, ხუთრო სტენკამპი (ყველა-ბლუ ბულზი), ბი ჯეი ბოთა (ალსტერი), იან დუ პლესი, რაიან კანკოვსკი, ტენდაი მთავარირა, ჯონ სმიტი (ყველა-ნატალ შარქსი), სი ჯეი ფან დერ ლინდე (ჩიტაზი).
უკანა ხაზი: ხიო ეპლონი, იან დე იონგი, ჟაკ ფური, ბრაიან ჰაბანა, რიკი იანუარი (ყველა-სთორმერზი), იან დე ფილიერსი (ვესტერნ პროვანსი), ბუჩ ჯეიმზი (ბასი), ფრანსუა ჰაუხარდი, ზენ კირშნერი, ვინანდ ულიფიე, მორნი სტეინი (ყველა-ბლუ ბულზი), რუან პინარი (ნატალ შარქსი).

სამი ერი
10 ივლისი: ახალი ზელანდია-სამხრეთი აფრიკა
17 ივლისი: ახალი ზელანდია-სამხრეთი აფრიკა
24 ივლისი: ავსტრალია-სამხრეთი აფრიკა
31 ივლისი: ავსტრალია-ახალი ზელანდია
7 აგვისტო: ახალი ზელანდია-ავსტრალია
21 აგვისტო: სამხრეთი აფრიკა-ახალი ზელანდია
28 აგვისტო: სამხრეთი აფრიკა-ავსტრალია
4 სექტემბერი: სამხრეთი აფრიკა-ავსტრალია
11 სექტემბერი: ავსტრალია -ახალი ზელანდია
18 სექტემბერი: ავსტრალია-ახალი ზელანდია

ავტორი:  მოამზადა ბესიკ ჯანგავაძემ

აპრილი  2010

ორშ   

სამ   

ოთხ   

ხუთ   

პარ   

შაბ   

კვ