ზამთრის მიწურულს ცნობილ რუსეთელ მომღერალს ედიტა პიეხას გერმანიის ქალაქ ვისბადენის კლინიკაში ექიმებმა მუხლის დაზიანებული სახსარი ლითონის სახსრით შეუცვალეს, რის შემდეგ სპეციალური ცნობა გამოუწერეს აეროპორტების კონტროლის სამსახურებისთვის.
ათი წლის წინათ მომღერალს აგარაკზე თავისი ძაღლი დაეჯახა და წააქცია. მოტეხილი ფეხი კი შეხორცდა, მაგრამ მძიმე შედეგი დარჩა - ქალბატონი პიეხა ფეხს სწორად ვერ დგამდა, რის შედეგად ერთგვარად "შეღავათიანი სიარული" გამოუმუშავდა. ერთხელ მომღერალი ტელევიზიით ყაზახელმა ეთნიკურმა გერმანელმა ქირურგმა ნახა და მიხვდა, რომ ქალს სახსარი ჰქონდა დაზიანებული. იგი მას დაუკავშირდა და გერმანიაში წასვლა შესთავაზა. ბევრი ჭოჭმანის შემდეგ წლის დამდეგს ედიტა პიეხა გერმანიაში ჩავიდა, მეორე დღეს კი მას ოპერაცია გაუკეთეს. იგი სამ კვირას იწვა, მერე კი ახალი სახსრით სიარულის სწავლა დაიწყო. ამჟამად მას არანაირი უსიამოვნო, დისკომფორტის შეგრძნება არ აქვს. ვერცხლის მუხლი ექიმებმა ცემენტზე ისე დასვეს, სტომატოლოგები კბილის პროტეზს რომ სვამენ ხოლმე.