როგორც სიღნაღის გამგებელმა კახეთის საინფორმაციო ცენტრთან საუბარში აღნიშნა, გართულებული მდგომარეობის შესახებ მან წერილობით აცნობა კახეთის სამხარეო ადმინისტრაციას, რეგიონული ინფრასტრუქტურისა და გარემოს დაცვის სამინისტროებს. მხოლოდ გზის გამაგრებისათვის გასული წლის მონაცემებით, 128 ათასი ლარია საჭირო. რაც შეეხება სხვა აუცილებელი სამუშაოების ჩატარებას, ეს შესაძლებელი იქნება მას შემდეგ, როცა გარემოს დაცვის სამინისტროს სპეციალური კომისია მდგომარეობას ადგილზე დეტალურად შეისწავლის. გარემოს დაცვის სამინისტროდან გვაცნობეს, რომ კომისია სიღნაღში ამ დღეებში ჩამოვა, - განაცხადა ნოდარ კოჭლამაზაშვილმა.