თამარ გაბრუაშვილის განცხადებით, მიუხედავად იმისა, რომ სახლში არც შინაური ფრინველი ჰყავს და არც პირუტყვი, სოციალურ აგენტს ოჯახის დეკლარაციაში დაფიქსირებული აქვს, რომ ოჯახს შინაური ფრინველი და პირუტყვი ჰყავს. ასევე, დეკლარაციაში მოცემულია, რომ თამარ გაბრუაშვილს მიღებული აქვს ფულადი დახმარება საქართველოში მცხოვრები ნათესავებისგან 200 ლარის ოდენობით, რასაც უმწეო მოხუცი კატეგორიულად უარყოფს. არ ვიცი, ის, რაც არ მითქვამს, დეკლარაციაში რატომ ჩაწერეს. ეხლა ამბობენ, ხელი აქვს მოწერილი, რითაც ყველაფერს ადასტურებსო. 81 წლის ქალი ვარ, ხელი რაზე მომაწერინეს, ისიც კი არ ვიცი. გარდა ამისა, ჩემს გარშემო მცხოვრებ ჯანმრთელ და შრომისუნარიან ოჯახებს, რომლებსაც საქონელიც ჰყავთ, ფრინველიც, მანქანებიც და ხელფასებიც აქვთ, საარსებო შემწეობას იღებენ. მე კი, მოხუც, მარტოხელა ავადმყოფს არაფერი მაღირსეს, - აღნიშნავს თამარ გაბრუაშვილი და დახმარებას შრომის, ჯანმრთელობისა და სოციალური დაცვის სამინისტროსგან ითხოვს.

სოციალური მომსახურების სააგენტოს გურ-ჯაანის განყოფილებაში უმწეო მოხუცის ბრალდებებს უარყოფენ. განყოფილების უფრო-სის ლეილა მურაკაშვილის ინფორმაციით, თამარ გაბრუაშვილს ოჯახის განმეორებითი გადამოწმებისათვის შეუძლია სააგენტოს ერთი წლის გასვლის შემდეგ მიმართოს.