ეს ინფორმაცია ეროვნული ფორუმის ერთ-ერთმა ლიდერმა ნიკო ორველაშვილმაც დაადასტურა, რომელიც დღეს კახეთიდან ოპოზიციის მხარდამჭერების თბილისში წაყვანას ხელმძღვანელობდა.

ოპოზიციის წარმომადგელების განცხადებით, საპატრულო პოლიციის კახეთის სამმართველოს უფროსის ალექსანდრე დეკანოიძის დავალებით, პანკისის ხეობიდან მანქანებს გამოსვლა დილით აუკრძალეს. თავად დეკანოიძე ამ ფაქტთან დაკავშირებით კომენტარს არ აკეთებს, თუმცა უნდა აღინიშნოს, რომ როგორც საპატრულო პოლიციის უფროსი, ასევე კახეთის რაიონების კრიმინალური პოლიციის ხელმძღვანელები ოპოზიციის მხარდამჭერთა კოლონის გადაადგილებას თავად აკონტროლებდნენ და კოლონაში შემავალი ყველა მანქანა საგანგებოდ აღრიცხეს.