ამის შესახებ კახეთის საინფორმაციო ცენტრს გურჯაანის გამგეობის თანამშრომელმა, კულტურული მემკვიდრეობის დაცვის სპეციალისტმა თამაზ მარკოზაშვილმა აცნობა.

შეგახსენებთ, რომ ვეჯინის ციხესთან საიდუმლო მიწისქვეშა გვირაბის აღმოჩენის შესახებ ინფორმაცია კახეთის საინფორმაციო ცენტრმა ცოტა ხნის წინ გაავრცელა.

სპეციალისტების თქმით, გვირაბი, რომელიც ნაწილობრივ მიწით არის ამოვსებული, შუასაუკუნეებს მიეკუთვნება და სათანადო მეცნიერულ შესწავლას მოითხოვს.

გვირაბი ნაშენია რიყის ქვის დიდი ლოდებით დუღაბზე. სავარაუდოდ, გვირაბი ვეჯინის ციხესთან უნდა იყოს დაკავშირებული.

საინტერესოა ის გარემოება, რომ გვირაბი გაჭრილია კარსტულ გამოქვაბულში, სადავ ყინულივით ცივი სასმელი წყალი გროვდება, რომელიც ხეობაში გამოედინება. გამოქვაბული შემკულია ულამაზესი სტალაგტიკებითა და სტალაგმიტებით.