გარდაიცვალა კინომხატვრობის ცნობილი ხელოვანი, საქართველოს დამსახურებული მხატვარი ვახტანგ რურუა. პროფესიით არქიტექტორი მუშაობდა "ქართულ ფილმში" დამდგმელ მხატვრად, იყო არაერთი მხატვრული ფილმის პროექტის იდეის ავტორი.
ვახტანგ რურუა მუშაობდა ფილმებზე - "ლაზარეს თავგადასავალი", "პასტორალი", "ორფეოსის სიკვდილი", "თუში მეცხვარე"... იყო შესანიშნავი გრაფიკოსი, აფორმებდა წიგნებს, ჟურნალებს და მიღებული აქვს საპატიო პრიზი - წლის საუკეთესო ნამუშევარი.
საქართველოს კულტურის ფონდის პრეზიდიუმი იუწყება ხელოვანის ვახტანგ რურუას გარდაცვალებას, თანაუგრძნობს ოჯახის წევრებსა და ახლობლებს.

მერაბ ბერძენიშვილი