საქართველოს ყოფილი პრეზიდენტი ედუარდ შევარდნაძე გარდაიცვალა. ამის შესახებ "ინტერპრესნიუსს" ყოფილი პრეზიდენტის ახლობლებმა დაუდასტურეს. შევარდნაძე 86 წლის ასაკში 7 ივლისს გარდაიცვალა.
ედუარდ შევარდნაძე 1928 წლის 25 იანვარს ლანჩხუთის რაიონის სოფელ მამათში დაიბადა.
1959 წელს დაამთავრა ქუთაისის ა. წულუკიძის სახელობის პედაგოგიური ინსტიტუტი დაუსწრებლად. 1972-1985 წლებში იყო საქართველოს ცკ-ს პირველი მდივანი, 1985-1990 წლებში - საბჭოთა კავშირის საგარეო საქმეთა მინისტრი, 1995-2003 წლებში ედუარდ შევარდნაძე საქართველოს პრეზიდენტი იყო. თანამდებობიდან ის "ვარდების რევოლუციის" შედეგად გადადგა.
ედუარდ შევარდნაძე 1995 წლის ნოემბერში ხმების 74(-ით აირჩიეს საქართველოს პრეზიდენტად, 2000 წლის 9 აპრილს კი ედუარდ შევარდნაძე ხმათა 82(-ით მეორე ვადით იქნა არჩეული საქართველოს პრეზიდენტად. ედუარდ შევარდნაძეზე სამჯერ განხორციელდა თავდასხმა, მათ შორის, 1992 წელს აფხაზეთში, 1995 წელს საქართველოს პარლამენტის შენობის ეზოში, 1998 წელს კი, რეზიდენციისკენ მიმავალ გზაზე.