მთავარი
კონტაქტიმცხეთა-სტეფანწმინდა-ლარსის საავტომობილო გზაზე მოძრაობა აღდგა
დარიალის ხეობაში გუშინ დილიდან, გეოლოგიური სამსახურების მიერ პროცესებზე დაკვირვება მიმდინარეობდა. აღნიშნულ მონაკვეთზე გადაადგილება საფრთხეს არ წარმოადგენს და მოძრაობა ჩვეულ რეჟიმში ხორციელდება.
კვირას, დევდორაკის ხეობაში მთელი დღის განმავლობაში უხვი ნალექი ფიქსირდებოდა, რამაც მდინარეებში წყლის დონის მატება გამოიწვია. აღნიშნულიდან გამომდინარე მცხეთა-სტეფანწმინდა-ლარსის საავტომობილო გზის 134-ე კილომეტრზე ლარსისა და ყაზბეგის მიმართულებით საპატრულო პოლიციის საგუშაგოები შეიქმნა, რომლებიც უსაფრთხოების მიზნით, ავტომანქანების გატარებას მორიგეობით ახდენდნენ.
სტიქია ლენტეხში
ძლიერმა წვიმამ და მეწყერმა ლენტეხის მუნიციპალიტეტის რამდენიმე სოფელი გარესამყაროს მოწყვიტა.
უამინდობამ განსაკუთრებით დააზარალა სოფლები ფანგანი და ლევშერო.
მოვარდნილმა წყალმა ადგილობრივებს საცხოვრებელი სახლები და საკარმიდამო მიწის ნაკვეთები დაუტბორა. წყალმა წაიღო პირუტყვი, განადგურებულია ნათესები. ამჟამად ადგილზე ტექნიკას ელოდებიან, რომ გაწმენდითი სამუშაოები დაიწყოს.
ლენტეხის მუნიციპალიტეტის გამგებელის, ამირან ჭუმბურიძის განცხადებით, რამდენიმე სოფელში საშინელი მდგომარეობაა. ზარალის ოდენობას სპეციალური კომისია დაადგენს.
2010