2015-01-31

"ბორჯღალოსნებს" ინტერნეტით ვუქომაგოთ

2015 წლის პირველ საერთაშორისო მატჩამდე ერთი კვირაღა რჩება - 7 თებერვალს "ბორჯღალოსნები" სტუმრად "ბ" დივიზიონიდან ამოსულ გერმანიის ნაკრებს შეხვდებიან. მატჩი ქალაქ ჰოიზენშტამში, "სპორტცენტრუმ სტადიონზე" გაიმართება, დასაწყისი კი 17 საათზეა.
როგორც ჩანს, საშინაო მატჩების ტელეტრანსლირება მხოლოდ ბელგიური რაგბის პრობლემა არ ყოფილა - 2013 წელს ბრიუსელში გამართული შეხვედრის მსგავსად, "ბორჯღალოსნების" და გერმანიის ეროვნული გუნდის მეოთხე დაპირისპირების ტრანსლირება ინტერნეტით განხორციელდება, ვინაიდან გერმანიის რაგბის კავშირის განცხადებით, დაინტერესებული გერმანული ტელეარხის ნახვა ვერ მოხერხდა.
საქართველოს ნაკრების სამწვრთნელო შტაბმა "ბორჯღალოსნების" 27-კაციანი რაზმი (გერმანიის და პორტუგალიის წინააღმდეგ) 23 იანვარს გამოაქვეყნა, ხოლო 28-ე მოთამაშედ ნაკრებში "არმაზელ" მურაზ გიორგაძეს უხმო. შეგახსენებთ, რომ გიორგაძეს სანაკრებო დებიუტი 2014 წლის თბილისის თასზე ესპანეთის ნაკრების წინააღმდეგ ჰქონდა. ბოლოს მურაზმა "ბორჯღალოსნების" კვართი 2014 წლის ნოემბრის ტესტებზე ირლანდიის წინააღმდეგ მოირგო.
შარშან ფირა აერს (ევროპის რაგბის ასოციაციას) რაგბი-ევროპა დაერქვა, ხოლო წელს "ევროპის ერთა თასის" დრო დადგა - ამიერიდან მას "რაგბი-ევროპის ჩემპიონატი" (კგპინ უგკწზუ სრფქზშწტთრშზ) ეწოდება. როგორც რაგბი-ევროპაში აცხადებენ, სახელის ცვლილება ბრენდის უკეთ წარმოჩენისკენ და უფრო ეფექტური საქმიანობისკენ გადადგმულ პირველ ნაბიჯს წარმოადგენს.

ავტორი:  კობა კობახიძე

აპრილი  2015

ორშ   

სამ   

ოთხ   

ხუთ   

პარ   

შაბ   

კვ