18 ივლისსს, საქართველოს პარლამენტი რიგგარეშე სესიაზე ევროკავშირთან ასოციირების შეთანხმების რატიფიცირების საკითხს განიხილავს. პარლამენტის თავმჯდომარის დავით უსუფაშვილის განცხადებით, სხდომას მაღალი რანგის სტუმრებიც დაესწრებიან.
- სხდომას ევროკომისარი შტეფან ფულე დაესწრება, რომელიც ამ მოვლენასთან ყველაზე ახლოს იყო და მისი დახმარებით მიმდინარეობდა მოლაპარაკებების პროცესი. ველოდებით სტუმრებს ლატვიიდან და ბულგარეთიდანაც. როგორც ცნობილია, დაესწრებიან ამ ქვეყნების საგარეო საქმეთა მინისტრები. პარასკევს სხდომას ასევე დაესწრება საქართველოს პრემიერ-მინისტრიც, - განაცხადა დავით უსუფაშვილმა.