64 წლის სერბი ბორა მილუტინოვიჩი ერაყის ნაკრების მწვრთნელად დანიშნეს.

კონტრაქტზე ხელის მოწერისას მილუტინოვიჩმა თქვა, რომ ქვეყანაში მიმდინარე ამბები მას არ აშინებს და სამუშაოზე თანახმაა.

"ბედნიერი ვარ აქ ყოფნით და ძალ-ღონეს არ დავიშურებ, რათა გუნდი კონფედერაციის თასისთვის სათანადოდ მოვამზადო"- თქვა სერბმა.

ბორა მილუტინოვიჩს მსოფლიოს ჩემპიონატზე ხუთი სხვადასხვა ქვეყნის ნაკრები უთამაშებია: მექსიკა (1986), კოსტა რიკა (1990), აშშ (1994), ნიგერია (1998) და ჩინეთი (2002).

ერაყის ნაკრებმა 2007 წელს ბრაზილიელი მწვრთნელი ჟორვან ვიეირას თავკაცობით აზიის თასი მოიგო, მაგრამ ამ წლის თებერვალში მოხსნეს.