მთავარი
კონტაქტიბელგიის ფეხბურთის ფედერაციას ნაკრების მწვრთნელად ლუის ვან გაალი სურს, რომელმაც ერთი კვირის წინ "ალკმაარი" გააჩემპიონა.
გაზეთმა "ჰეტ ლაატსტემ" დაწერა, რომ ფედერაციის რამდენიმე ჩინოვნიკი ჰოლადიაში ვან გაალთან მოსალაპარაკებლად გაემგზავრა.
ჰოლანდიელ მწვრთნელს "ალკმაართან" კონტრაქტი 2010 წლამდე აქვს, მაგრამ გამორიცხული არაა, კლუბში და ნაკრებში ერთდროულად იმუშაოს.
"ეს იდეალური ვარიანტი არაა, მაგრამ ზოგი კანდიდატისთვის მისაღებია" - თქვა ფედერაციის პრეზიდენტმა ფრანსუა დე კეერსმაეკერმა.
ბელგიელთა ყოფილი თავკაცი რენე ვანდერეიკენი, რომელიც ნაკრებში 2006 წლიდან იყო, აპრილში მოხსნეს.
მან გუნდი ვერც ევრო 2008-ზე გაიყვანა და მსოფლიოს ჩემპიონატის შესარჩევშიც ექვს მატჩში ოდენ შვიდი ქულა მოაგროვა.
ორი კვირის წინ ბელგიელებმა ვანდერეიკენის ადგილი "მარსელის" მწვრთნელს ერიკ გერეტსს შესთავაზეს, მაგრამ უარი მიიღეს.
ვან გაალის გარდა კანდიდატთა სიაში არიან ბელგიელი უგო ბროოსი, მარკ ვილმოტსი, ფრანსუა დე სარტი და რუმინელი ლასლო ბოლონი, რომელიც ამჟამად "სტანდარდს" წვრთნის.
2010