ზესტაფონი 3:1 მგლები

წინა ტურში "ვიტ ჯორჯიასთან" წაგებით გაფუჭებული ხასიათი "ზესტაფონმა" ზუგდიდელთა დამარცხებით გამოიყენეს.

იმერელთა უპირატესობა პირველ ტაიმში უფრო თვალსაჩინო იყო და აკი ეს ორ გოლშიც გამოისახა.

მე-18 წუთზე ირაკლი ძარიამ ულამაზესი გოლი გაიტანა - ნიკა კვასხვაძის ჩაწოდებულს შეუჩერებლად დაარტყა და კუთხეში შეაგდო ბურთი.

ისე ჩანდა, თითქოს გიორგი სომხიშვილს მოგერიება შეეძლო, მაგრამ...

ტაიმის ბოლოს უბერებელი ზურაბ იონანიძე გამოირჩა - კუთხურიდან ჩაწოდებულზე თავურით ორამდე გაზარდა ანგარიშში სხვაობა.

შესვენების შემდეგ "მგლები" უფრო ფხიანად ათამაშდა, თუმცა გოლი მაინც მასპინძლებმა გაიტანეს - ისევ იონანიძემ იყოჩაღა, როცა მარცხენა ფეხით ზუსტად დაარტყა შორეულ კუთხეში.

ერთადერთი, რაც ზუგდიდელებმა შეძლეს, როინ ონიანის გოლი იყო - ზესტაფონელთა ყოფილმა მცველმა თავურით იხეირა - 3:1.