გაგრა ცხადაძის მოკვეთას არ ადასტურებს"ერთ-ერთი ვარჯიშის დროს საფეხბურთო კლუბ გაგრას თავდამსხმელმა ბაჩანა ცხადაძემ მარჯვენა ფეხი დაიშავა თანაგუნდელთან ბურთისთვის ბრძოლის დროს და მინდორი ექიმის დახმარებით დატოვა. როგორც გუნდის ექიმი აცხადებს, ცხადაძის ტრავმა საკმაოდ სერიოზულია, ხოლო საბოლოო პასუხი, რა სახის ტრავმა მიიღო ცხადაძემ, რამდენიმე დღეში გახდება ცნობილი. შეძლებს თუ არა ის დარჩენილ სამ მატჩში თამაშს, ამაზე ჯერჯერობით საფეხბურთო კლუბ გაგრას სამედიცინო შტაბი კონკრეტულ პასუხს ვერ იძლევა" - ეს ინფორმაცია დევს "გაგრას" ოფიციალურ ვებგვერდზე.

როგორც აღმოჩნდა, ბაჩანა ცხადაძე ტრავმირებულია და ამის გამო ვერ დაეხმარა გუნდს გასულ ტურში, თბილისის "ლოკომოტივთან" მატჩში, თუმცა...

იქამდე საფეხბურთო სამყაროში სხვა ამბავიც გავრცელდა - ცხადაძეს ცხინვალის "სპარტაკთან" შეხვედრისას კონფლიქტი მოუვიდა უკრაინელ მწვრთნელ ვიქტორ კაშჩეისთან, რომელმაც ის გუნდიდან მოკვეთაო.

"სპარტაკთან" მატჩის მე-80 წუთზე კაშჩეიმ ცხადაძე შეცვალა და ვითარებაც მაშინ დაიძაბა. ფეხბურთელმა უმოციურად გამოხატა უკმაყოფილება, რასაც კაშჩეიმ მკვეთრი რეაქციით უპასუხა.

ასე იყო ის ამბავი, თუმცა "გაგრას" პრესსამსახურს თუ ვენდობით, ჩანს, კონფლიქტი ამოწურულია და ბაჩანას უთამაშებლობის მიზეზი ტრავმაა.

რაღა დაგვრჩენია, თუ მართლა ასეა, მალე გამოჯანმრთელება ვუსურვოთ ნიჭიერ ფეხბურთელს...