საქართველოს თავისუფალი სტილით მოჭიდავეთა ნაკრები ტაშკენტიდან ოქრო-ვერცხლ-ბრინჯაოთი მკრედდამშვენებული დაბრუნდა.

საერთაშორისო ტურნირში, რომელშიც 18 ქვეყნის ფალავნები მონაწილეობდნენ, 66 კგ-ში კობა კაკალაძემ უკრაინელი ლეონიდ ბაზანი დასცა და ოქროს მედალი დაისაკუთრა.

120 კგ-ში ალექსი მოდებაძე ფინალში რუს ბილილ მახოვთან დამარცხდა და ვერცხლი ერგო, ხოლო 96 კგ-ში ბელდუხ გავაშელიშვილმა ბრინჯაო მოინაგრა.

პირველადგილოსნებს სამ-სამ ათასი დოლარი მიართვეს, ვერცხლოსნებს 2000, ხოლო ბრინჯაოსნებს - 1000.

საქართველოს ნაკრები, რომელსაც დავით ხურცია წვრთნის, ტაშკენტში ასეთი შემადგენლობით იმყოფებოდა: მალხაზ ქურდიანი და მალხაზ ზარქუა (60 კგ), კობა კაკალაძე (66 კგ), გელა საღირაშვილი (74 კგ), ნიკო გაგნიძე (84), ბელდუხ გავაშელიშვილი და დავით ქერაშვილი (96 კგ), ალექსი მოდებაძე და დავით ოთიაშვილი (120 კგ).