"შინაგან საქმეთა სამინისტროს დიდუბე-ჩუღურეთის სამმართველოს თანამშრომლებმა დააკავეს 1967 წელს დაბადებული თამაზ კიკლიაშვილი, რომელიც ბრალდებულია ეჭვიანობის ნიადაგზე მეუღლის, 1975 წელს დაბადებული თეა ქვარიანის მკვლელობაში. დაკავებულმა დანაშაული აღიარა. გამოძიება მიმდინარეობს სსკ-ის 108-ე მუხლით. გამოძიებას აწარმოებს თბილისის მთავარი სამმართველოს დიდუბე-ჩუღურეთის სამმართველო" - ეს ინფორმაცია გაავრცელა საქართველოს შინაგან საქმეთა სამინისტროს ოფიციალურმა ვებგვერდმა.

ამ ამბავმა ჩვენ იმად დაგვაინტერესა, რომ თამაზ კიკლიაშვილი ვეტერანი ფეხბურთელია და თავის დროზე ერთ-ერთი საუკეთესო გახლდათ ეროვნულ ჩემპიონატში.

კიკლიაშვილმა ფეხბურთელის კარიერა 2001 წელს დაასრულა და ბოლოს ბავშვთა მწვრთნელად მუშაობდა.

1982 წლიდან 2001 წლამდე კიკლიაშვილმა ეს გუნდები მოიარა: თბილისის "ლოკომოტივი", ქუთაისის "ტორპედო", ოზურგეთის "მერცხალი", "ბათუმი", ფოთის "კოლხეთი" და ნიჟნეკამსკის "ნეფტეხიმიკი".