ვერძი _ წელს თქვენთვის ხელსაყრელი იქნება საბანკო საქმე, დაკავდით სავალუტო და ფასიანი ქაღალდების განაღდების ოპერაციით, გაგიმართლებთ, თუ ჩაერთვებით გზების მშენებლობის, ტრანსპორტის, სატრანსპორტო გადაზიდვების, სპირტიანი სასმელების და საკონდიტრო ნაწარმის ყიდვა-გაყიდვის საქმეში. შეგიძლიათ წამოიწყოთ ძვირფასი ავეჯის, ჭურჭლის, ბეწვის, ზღვის ნაწარმის რეალიზაცია. ეს საქმეც წარმატებული იქნება.
კურო _ უმჯობესია, თუ წელს მშენებლობის კუთხით წარმართავთ საქმიანობას, აქტიურად ჩაერთვებით საცხოვრებელი სახლების და ბინების ყიდვა-გაყიდვაში, ფირმებისთვის დიზაინის კეთებაში, საპარიკმახერო და კოსმეტიკური სალონების საქმიანობაში. სასტუმროების სერვისის, ავტოსერვისების საქმეში. სახიფათოა ქიმიური წარმოების ობიექტებში, ტყავის, მედიკამენტების, ვიდეოაპარატურის წარმოების საქმიანობაში ჩართვა. გარისკვად არ ღირს, მაინც არაფერი გამოვა.
ტყუპები _ მასობრივი ინფორმაციის საშუალებები _ ჟურნალისტიკა, საფოსტო კავშირები, სარეკლამო ბიზნესი, მოდების სახლი, სუპერმარკეტები, მოდური ტანსაცმლის მაღაზია თქვენი წარმატების სფერო იქნება.
კირჩხიბი _ ანტიკვარიატის ბიზნესი, აუქციონები, პროდუქტის წარმოება-რეალიზაცია, მაცივრების წარმოება, გალანტერიის , რბილი სათამაშოების, რესტორნის, სასტუმროს ბიზნესი, საბანკო საქმე.
წელს სახიფათოა სილამაზის სალონების ბიზნესი, სათამაშო ბიზნესი, სპირტიანი სასმელების წარმოება-რეალიზაცია.
ლომი _2011 წელს კომერციით დაკავდით, განსაკუთრებით სარფიანი იქნება საიუველირო ნაწარმის რეალიზაცია. ავტომობილების რემონტი და ყიდვა-გაყიდვა, როგორც სამამულო, ისე უცხოური მანქანების რეალიზაცია, ალკოჰოლიანი სასმელებით ვაჭრობა, აუდიო და ვიდეოტექნიკის ყიდვა-გაყიდვა.
რისკის ზონა: იარაღისა და საბრძოლო ტექნიკის ბიზნესი, მედიცინა, სარიტუალო მომსახურება.
ქალწული _ თეთრეულის, ჩანთების წარმოება, პროდუქტების წარმოება-რეალიზაცია. შექმენით ძიძებისა და გუვერნანტკების ფირმა. საათების, საწმენდი და სარეცხი საშუალებების ბიზნესი. სახიფათოა წელს ტანსაცმლისა და ფეხსაცმლის ვაჭრობა-წარმოება. არც თამბაქოს ბიზნესში ჩაერთოთ. ასევე წააგებთ, თუ სპორტული ტანსაცმლისა და აქსესუარების ბიზნესს წამოიწყებთ.
სასწორი _ ხელოვნება, შოუ-ბიზნესი, ვიზაჟი, რეკლამა, ჟურნალისტიკა, საიუველირო საქმე, სასტუმროების სერვისი. იუსტიცია, ჯანდაცვა, კულინარია თქვენი საქმეა.
თუ რაიმეს გარისკვა გსურთ, კარგად დაფიქრდით, თქვენი ინტუიციის იმედი ყოველთვის იქონიეთ.
მორიელი _ პოლიტიკა და უშიშროების საქმე. ჟურნალისტიკა, საბანკო საქმე, ადვოკატურა, რეკლამირება, იარაღის და საბრძოლო მასალების წარმოება-რეალიზაცია. ტანსაცმლისა და ფეხსაცმლის კომერცია, ტყავის წარმოება. ავეჯის, საბავშვო საქონლის, კავშირისა და კომუნიკაციების ბიზნესი.
სარისკოა: ავტოსაქმე, ნარკობიზნესი.
მშვილდოსანი _ მედიცინა, საბროკერო საქმე, დაზღვევა, სამოდელო ბიზნესი.
თხის რქა _ ყველა ბიზნესი, რაც რემონტთან არის დაკავშირებული. მიწის, ფასიანი ქაღალდების ყიდვა-გაყიდვა. სოფლის მეურნეობის საქმე, მშენებლობა და არქიტექტურა.
წელს სახიფათოა პიროტექნიკისა და ასაფეთქებელი საშუალებების, თამბაქოს ნაწარმის, სათამაშოების წარმოება.
მერწყული _ ეცადეთ წელს დასასვენებელი სახლების და სანატორიუმების მშენებლობაში ჩადოთ ინვესტიცია. კინოპროდუქციის, მუსიკალური ინსტრუმენტების, სასოფლო-სამეურნეო ნაწარმის რეალიზაცია.
წელს სათამაშო ბიზნესი, საბანკო საქმე, ჭურჭლის და მოდური ტანსაცმლის ყიდვა-გაყიდვა ხეირს არ მოგიტანთ.
თევზები _ საგამომცემლო საქმე, გაზეთი, ჟურნალი, უცხოელებთან მუშაობა, ტურიზმი და ტურისტული ბიუროები, გალანტერია და ბიჟუტერია წარმატებებს მოგიტანთ.
წლეულს სამშენებლო საქმის წამოწყებას ერიდეთ. მეტალურგიის, ავტობიზნესის, თამბაქოსა და ალკოჰოლის ყიდვა-გაყიდვიდან სარგებელს ვერ ნახავთ.
* * *
ამავე დროს გაითვალისწინეთ, რომ ზოდიაქოს ყველა ნიშანს თავისი ფერი შეესაბამება, რაც მათი საქმიანობის განწყობას და წარმატებებს უწყობს ხელს. ვერძისთვის _ ფირუზისფერი, კუროსთვის _ მომწვანო-მოყვითალო, ტყუპებისთვის-ყვითელი, კირჩხიბისთვის _ ვარდისფერი, ლომებისთვის _ მუქი ყავისფერი, ქაწულებისთვის _ ყავისფერი, სასწორებისთვის _ შავი, მორიელისთვის _ მუქი იისფერი, მშვილდოსნისთვის _ მოცისფრო იისფერი, თხის რქისთვის _ ზღვის ტალღისფერი, მერწყულისთვის _ ცისფერი, თევზებისთვის _ მტრედისფერი _ საუკეთესო ფერებია წარმატების მიღწევის გზაზე.

მოამზადა ანა ვადაჭკორიამ