2015-01-31

ძვირფასეულობის დაგირავების მსურველთა რაოდენობა გაიზარდა: "ბოლო ერთი კვირის განმავლობაში ხალხს მუჭა-მუჭა ოქრო მოაქვს და აგირავებს"

ბოლო ერთი კვირაა, რაც ლომბარდებში ძვირფასეულობის დაგირავების მსურველთა რაოდენობა მკვეთრად გაიზარდა. ამ ფაქტს ლომბარდის თანამშრომლები მძიმე სოციალური ფონით, ახალი წლის დღესასწაულებით და ლარის მსყიდველობითი უნარის შემცირებით ხსნიან.
ლომბარდები ქართულ ბაზარზე ერთ-ერთი ის ბიზნესია, რომელიც სახელმწიფოს კონტროლის მიღმაა დარჩენილი და როგორც ექსპერტები უწოდებენ, ველური წესებით მუშაობს. შესაბამისად, ლომბარდის მეპატრონეები არც სახელმწიფოს წინაშე არიან ანგარიშვალდებულნი და კომერციული საიდუმლოს შენახვის საბაბით არ ასაჯაროებენ ინფორმაციას მათ მიერ გაცემული სესხებისა და მომხმარებელთა რაოდენობის შესახებ. ის, რომ ბოლო დროს მომხმარებელთა მხრიდან მოთხოვნა სალომბარდე სესხებზე გაიზარდა, იზტყპუ-ს რამდენიმე ლომბარდში დაუდასტურეს. "მოსახლეობამ საახალწლოდ ბევრი ხარჯი გასწია, ამას დაემატა ზამთრის შვებულება, ლარის გაუფასურება, რამაც დოლარში აღებული ვალდებულებების ხარჯები მნიშვნელოვნად გაზარდა და ალბათ ამ ყველაფერმა ერთად უბიძგა მოსახლეობას სალომბარდო სესხის აღების საჭიროებისკენ. ბოლო ერთი კვირის განმავლობაში ხალხს მუჭა-მუჭა ოქრო მოაქვს და აგირავებს. ზოგს ფული პირველადი საჭიროებისთვის სჭირდება, ზოგსაც სესხის დასაფარად", - გვითხრეს ერთ-ერთ ლომბარდში.
მოთხოვნის ზრდის პარალელურად, სალომბარდე ბიზნესი ფართოვდება და მათი რაოდენობა სწრაფად და თვალშისაცემად იზრდება. რაც შეეხება კონკურენციას, ლომბარდების ნაწილი ცდილობს, მომხმარებელი ჯარიმების არქონით მიიზიდოს, ზოგიც - ძვირფასეულობის შეფასების მაღალი ტარიფით. საპროცენტო განაკვეთებს თუ გადავხედავთ, სესხის გაცემა თვიური 1,5(-დან 3(-მდე ხდება. აქაც, მნიშვნელობა აქვს, რომელ ვალუტაში გსურთ სესხის მიღება. დოლარის შეთხვევაში პროცენტი იზრდება.

აპრილი  2015

ორშ   

სამ   

ოთხ   

ხუთ   

პარ   

შაბ   

კვ