2015-01-31

თუ ერთმა შეძლო... მაინცდამაინც პრემიერ-მინისტრმა უნდა მიუთითოს ?!

პრემიერ-მინისტრმა ირაკლი ღარიბაშვილმა ნავთობიმპორტიორებს მორიგი სიტყვიერი დარტმა მიაყენა. დეკემბრის შუა რიცხვებში გაკეთებულმა მკვეთრმა განცხადებამ მენავთობეებზე, ასე თუ ისე, იმოქმედა და საწვავის ფასი დაახლოებით 20 თეთრით შემცირდა. ნავთობის ფასებთან დაკავშირებით მორიგი განცხადება კი ირაკლი ღარიბაშვილმა მთავრობის სხდომაზე გააკეთა.
წარმოდგენილი მასალების საფუძველზე, ხელისუფლება გაატარებს შესაბამის ღონისძიებებს და კანონის ფარგლებში, დავიცავთ ჩვენი მომხმარებლების ინტერესებს", - განაცხადა პრემიერ-მინისტრმა.
ბოლო დროს გამოფხიზლებული ნავთობიმპორტიორები პირად საუბარში აცხადებენ, რომ ერთ თვეში ბრენდირებულ ავტოგასამართ სადგურებზე 1 ლიტრი ბენზინი 1,5 ლარამდე გაიაფდება, არაბრენდირებულ ავტოგასამართ სადგურებზე კი - 1,3 ლარამდე. მსხვილ ნავთობიმპორტიორებს საწვავის აღნიშნულ მაჩვენებლამდე დაწევის გეგმა უკვე გაწერილი აქვთ. მიუხედავად იმისა, რომ ეროვნული ვალუტა დოლართან მიმართებაში ყოველდღე ეცემა, სპეციალისტები ერთხმად აცხადებენ, რომ საქართველოში ბენზინი არსებულზე ბევრად იაფი უნდა ღირდეს.
კომპანია "ლუკოილის" გენერალური დირექტორის მოადგილე შავლეგ მიშველაძე პრესასთან საუბრისას ადასტურებს, რომ ბენზინი ისევ გაიაფდება, თუკი მსოფლიოში არსებული ფასები შენარჩუნდა, საქართველოში ბენზინის ღირებულების 1,5-ლარამდე შემცირება შესაძლებელია.
თუმცა, სანამ მსხვილი იმპორტიორები საწვავს კიდევ 15-20 თეთრით გააიაფებენ, ბაზარზე შემოსულმა ახალმა მოთამაშეებმა ეს ნაბიჯი უკვე გადადგეს. მაგალითად, ნავთოპროდუქტების სეგმენტში ოპერირება კომპანია "ფრეგომ" დაიწყო. კომპანია თბილისსა და რეგიონებში 13 ავტოგასამართ სადგურს ფლობს და საცალო ქსელში "რეგულარის" საწვავი 1,55 ლარად გამოაქვს.
ასეთივე ფასით ბრუნდება ბაზარზე "სენტაც". კეზერაშვილისგან უსამართლოდ განადგურებულმა კომპანიამ შეძლო რეაბილიტაცია და საბითუმო ოპერაციების განხორციელება. მალე "სენტა" საცალო ბიზნესშიც აქტიურად ჩაერთვება და საწვავს 15-20 თეთრით იაფად გაყიდის, ვიდრე ე.წ. ბრენდირებული სადგურები.
თუ მათ შეძლეს ამის უპრობლემოდ გაკეთება, ამ "ელიტარულ", ე. შ. ბრენდირებულ სადგურებს მაინცდამაინც პრემიერ-მინისტრმა უნდა "აუწიოს ყური", რომ მათ ოდნავ ნამუსიანად მაინც იმუშაონ და ისედაც შეჭირვებულ თანამოქალაქეებს წურბელებივით არ გამოსწოვონ სისხლი.

ავტორი:  ბექა დანელია

აპრილი  2015

ორშ   

სამ   

ოთხ   

ხუთ   

პარ   

შაბ   

კვ