სამბოში საქართველოს ეროვნული ნაკრები გუნდი, მას შემდეგ, რაც ფინანსური პრობლემები მოგვარდა, პანამაში გაემგზავრება მსოფლიო ჩემპიონატზე, რომელიც ამ თვის ბოლო კვირაში ქვეყნის დედაქალაქ პანამაში დაიწყება და 1 დეკემბერს დასრულდება.

გუშინ "ლელო" დაუკავშირდა სამბოს ეროვნულ ფედერაციას. ვიცე-პრეზიდენტმა მურად მწარიაშვილმა დაგვისახელა ჩვენი ნაკრების სრული შემადგენლობა: დავით მიხელიძე (52 კგ. ლაგოდეხი), აკაკი ხანიშვილი (57, გორი), მამუკა კურდღელაშვილი (62, საგარეჯო), ბადრი ჯანიაშვილი (68, კასპი), არჩილ ჩოხელი (74, მცხეთა), ნიკოლოზ ბიბილაშვილი (82, გორი), გიორგი შუბითიძე (90, რუსთავი), მირიან პავლიაშვილი (100, სოფ. ძალისი), რატი ფერაძე (მძიმე, ზესტაფონი), მთავარი მწვრთნელია ოლეგ იაძე, მსაჯად მიემგზავრება ემილ რაში.