2011-08-30

10 ლიმონი ალექსში

"არსენალში" რომ ურთულესი მდგომარეობაა, ამაზე თუნდაც დღევანდელ ნომერში არაერთხელ დავწერეთ. ჰოდა, აანალიზებს რა ამ ყველაფერს არსენ ვენგერი, სასწრაფო წესით დაიწყო ტრანსფერებზე მუშაობა. თანაც, ისიც გასათვალისწინებელია, რომ სატრანსფერო სეზონი ერთ დღეში იხურება. ახლა ყველაზე მეტად ლონდონელებს კვალიფიციური მცველი სჭირდებათ. გუშინ არსენ ვენგერმა "სანს" შემდეგი გაუმხილა: "სავარაუდოდ, "ჩელსის" ბრაზილიელი მცველი, ალექსი ხვალ "არსენალში" ჩაირიცხება. მე დიდი ხანია მინდა მისი შეძენა და როგორც იქნა, ამ ტრანსფერს საშველი დაადგა. თანაქალაქელებს ვთხოვე, დაესახელებინათ მათთვის მისაღები ფასი, მათ კი ალექსში 10 მილიონი გირვანქა მოითხოვეს. ჩვენის მხრივ, ამ თანხის გადახდაზე პრობლემა არ გვაქვს. დღეს საღამოს გუნდის ერთ-ერთი ხელმძღვანელი რომან აბრამოვიჩის მოადგილეს შეხვდება და ვფიქრობ, ყველაფერი მოგვარდება. დარწმუნებული ვარ, შეთანხმების მიღწევა არც თავად სამხრეთამერიკელთან გაგვიჭირდება. ბოლოს და ბოლოს, მას ორჯერ უფრო მაღალ ხელფასს ვთავაზობთ, ვიდრე ახლა გამოიმუშავებს "არისტოკრატებში". ინგლისელი ექსპერტებიც ვარაუდობენ, რომ უკვე დღეს საღამოს ალექსი "არსენალს" ოფიციალურად შეუერთდება.

აპრილი  2011

ორშ   

სამ   

ოთხ   

ხუთ   

პარ   

შაბ   

კვ