ყველა ფრონტზე, მათ შორის ნაკლებად ცნობილ ირანის ფრონტზეც, გაითქვა სახელი 84 გენერალმა და ადმირალმა საქართველოდან, მათ შორის ქართველია 59, სომეხი - 9, რუსი - 8, ებრაელი - 4, ოსი - 3 და ერთი აფხაზი. სამი ჩვენი თანამემამულე იყო არმიის სარდალი: გენერალ-პოლკოვნიკები კონსტანტინე ლესელიძე და პორფილე ჩანჩიბაძე და გენერალ-ლეიტენანტი ვლადიმერ ლვოვი, თბილისის მკვიდრი. ჩვენი შვიდი გენერალი სარდლობდა კორპუსს, 20 გენერალი იყო დივიზიის მეთაური. პოლკოვნიკისა და პირველი რანგის კაპიტნის ჩინით დაასრულა ომი საქართველოში დაბადებულმა 364 მეომარმა.