ავსტრიული სკოლა (ეკონომიკა)
NPLG Wiki Dictionaries გვერდიდან
ავსტრიული სკოლა (ეკონომიკა) - (Austrian school) - ნეოკლასიკური მიმდინარეობის ერთ-ერთი განშტოება, მარჟინალური მიმართულება, რომელიც ჩამოყალიბდა XIX საუკუნის 70-იან წლებში ავსტრიაში. ზოგჯერ მას მოიხსენიებენ როგორც ვენის სკოლას, რადგან მისი წარმომადგენლები ფ. ვიზერი, კ. მენგერი, ო. ბემბავერკი და ა.შ. ვენის უნივერსიტეტის პროფესორები იყვნენ. ავსტრიულ სკოლას დიდი წვლილი მიუძღვის ზღვრული სარგებლიანობის თეორიის შექმნაში. იგი პირველად 1871 წელს ჩამოაყალიბა კ. მენგერმა ნაშრომში „პოლიტიკური ეკონომიის საფუძვლები”, ხოლო ბემ-ბავერკმა განავითარა ეს თეორია ნაშრომში „კაპიტალი და სარგებელი”. ავსტრიული სკოლა დაუპირისპირდა შრომითი ღირებულების თეორიას.