ბელინგჰაუზენი ფადეი
ფადეი ბელინგჰაუზენი – (გერმ. Fabian Gottlieb Benjamin von Bellingshausen, რუს. Беллинсгаузен, Фаддей Фаддеевич, (1779-1852 წ.წ.), სამხრეთ პოლარული ქვეყნების რუსი მკვლევარი. დედამიწის ირგვლივი, ზღვით მოგზაურობის პირველი რუსეთის მონაწილე 1803-1806 წ.წ. კრუზენშტერნის მეთაურობით. 1819-1821 წ.წ. ის იყო სამხრეთ პოლარულ ექსპედიციის უფროსი. ამ ხნის განმავლობაში ბელინგსჰაუზენმა, შემოიარა დედამიწის მთელი სფერო სამხრეთის განედებში და რამდენჯერმე გადაჭრა თავისი ხომალდებით („ვოსტიკი“ და „მირნი“) სამხრეთის პოლარული წრე. მიაღწია ს.ს. 69-მდე და აღმოაჩინა ანტარქტიდა (ალექსანდრე I-ის მიწა), დაამთავრა სამხრეთ გეორგიის ნაპირების აგეგმვა და დაამტკიცა, რომ სანდვიჩის მიწა, რომელიც აღმოჩენილი იქნა 45 წლის წინათ ჯემს კუკის მიერ, პატარა ვულკანურ კუნძულების არქიპელაგს წარმოადგენს, მან გამოიკვლია მრავალი კუნძული (პეტრე I-ის, კ. ანენკოვის კ., კ. ბოროდინო და სხვ.). ბელინგსჰაუზენის ექსპედიცია ითვლება უკვე მომხდარ ექსპედიციათა შორის ერთ-ერთ ყველაზე უფრო მნიშვნელოვან და ამავე დროს რთულ ექსპედიციად. სამხრეთ პოლარული ზღვის ნაწილს, რომელიც მდებარეობს დ. ს. (გრინიჩიდან) 68° და 90° შორის, მეზღვაურის პატივსაცემად ეწოდა „ბელინგსჰაუზენის ზღვა“. თავისი ექსპედიციის შედეგები ბელინგსჰაუზენმა აღწერა თავს ორტომიან ნაშრომში: „Двукратные изискания в Южном Полярном океане“ (ატლასით, პეტერბურგი, 1831 წ.).
