გეოსტრატეგიული სივრცე
NPLG Wiki Dictionaries გვერდიდან
გეოსტრატეგიული სივრცე - დედამიწის ზედაპირის ტერიტორიებისა და მასზე განლაგებული ობიექტების, შიდა ზღვების და მსოფლიო ოკეანის აკვატორიების, აგრეთვე დედამიწისირგვლივი საჰაერო-კოსმოსური სივრცის ერთობლიობა, რომელიც გეოპოლიტიკური და სამხედრო სტრატეგიის შესწავლისა და აღრიცხვის საგანს წარმოადგენს.
გეოსტრატეგიული სივრცე განიხილება კონტინენტური და საოკეანო სტრატეგიული რაიონების, რეგიონების, საოკეანო და საზღვაო ზონების, სტრატეგიული მიმართულებების, სტრატეგიული საჰაერო-კოსმოსური მიმართულებებისა და საჰაერო მიმართულებების სისტემაში.