რეგისტრი (ეკონომიკა)

რეგისტრი - (register, <ლათ. registrum> სია, ჩამონათვალი),

1. ჩანაწერების წიგნი, სააღრიცხვო დოკუმენტი შესაბამისი სიით, რომელსაც სამართლებრივი მნიშვნელობა აქვს. მაგ., კომერციული რეგისტრი, რომელშიც შეტანილია ყველა კომერციული ბანკი; კრედიტორების რეგისტრი, რომელშიც შეიტანება იპოთეკური კრედიტის კრედიტორები; უძრავი ქონების რეგისტრი, რომლის თანახმადაც განისაზღვრება უძრავი ქონების კონკრეტული ობიექტის ფლობის უფლება; ფასიანი ქაღალდების რეგისტრი, რომელშიც შეაქვთ ცნობები ფირმის ყველა ფასიანი ქაღალდის შესახებ;
2. სპეციალური ორგანო, რომელიც მართვის სპეციალურ დარგში ზედამხედველობის ფუნქციას ასრულებს.

წყარო

თანამედროვე ეკონომიკის ენციკლოპედიური ლექსიკონი