საბრძოლო კოსმოსური სადგური

NPLG Wiki Dictionaries გვერდიდან
გადასვლა: ნავიგაცია, ძიება

საბრძოლო კოსმოსური სადგური (პლატფორმა, ფრანგული plate-forme – ბრტყელი ფორმა) – საბრძოლო კოსმოსური სისტემის ძირითადი კომპონენტი (კოსმოსური აპარატი). სამხედრო სპეციალისტები მას განიხილავენ, როგორც სარაკეტო-კოსმოსური თავდაცვის საიმედოობის ამაღლების შესაძლო საშუალებას. კერძოდ, მოწინააღმდეგის ბალისტიკური რაკეტების დასაზიანებლად ტრაექტორიის აქტიურ მონაკვეთებზე და მათი საბრძოლო ბლოკების დასაზიანებლად – პასიურ მონაკვეთებზე. საბრძოლო კოსმოსური სადგურის ძირითად შეიარაღებას განეკუთვნება დაზიანების საშუალებები (რაკეტები, კინეტიკური, ლაზერული, მაჩქარებელი და ახალ ფიზიკურ პრინციპებზე შექმნილი სხვა სახეობის იარაღი), საინფორმაციო-სამართავი სისტემა, დაცვისა და ფუნქციონირების უზრუნველყოფის საშუალებები. საბრძოლო კოსმოსური სადგურის შექმნა არის რთული მეცნიერულ-ტექნიკური პრობლემა, რომელიც მნიშვნელოვან ეკონომიკურ დანახარჯებსა და დროს მოითხოვს.


წყარო

ქართული სამხედრო ენციკლოპედიური ლექსიკონი

მოძიებულია „https://www.nplg.gov.ge/wikidict/index.php?title=%E1%83%A1%E1%83%90%E1%83%91%E1%83%A0%E1%83%AB%E1%83%9D%E1%83%9A%E1%83%9D_%E1%83%99%E1%83%9D%E1%83%A1%E1%83%9B%E1%83%9D%E1%83%A1%E1%83%A3%E1%83%A0%E1%83%98_%E1%83%A1%E1%83%90%E1%83%93%E1%83%92%E1%83%A3%E1%83%A0%E1%83%98&oldid=49501“-დან
პირადი ხელსაწყოები
სახელთა სივრცე

ვარიანტები
მოქმედებები
ნავიგაცია
ხელსაწყოები