სამხედრო მოსამსახურეების დაკრძალვა
NPLG Wiki Dictionaries გვერდიდან
სამხედრო მოსამსახურეების დაკრძალვა – ბრძოლებში დაღუპულების, დასახიჩრების (ჭრილობის, ტრვმის), დაავადების შედეგად და სხვა მიზეზებით გარდაცვლილი სამხედრო მოსამსახურეების დასაფლავება მხედრული პატივის მიგების წესების დაცვით. სრულდება სამხედრო სასაფლაოებზე, საზოგადოებრივი სასაფლაოების მეომართა უბნებზე, ინდივიდუალურ და ძმათა სასაფლაოებზე; საბრძოლო ვითარებაში დასაშვებია სამხედრო მოსამსახურეების დაკრძალვა უშუალოდ ბრძოლის ველზე. სამხედრო-საზღვაო ძალების ხომალდებზე დაღუპულების (გარდაცვლილების) ნეშტი შეიძლება ზღვას მიაბარონ. დაკრძალულების სახელები, დაკრძალვის ადგილი და თარიღი შეაქვთ სპეციალურ წიგნებში (სავახტო ჟურნალებში).