შპალერი
შპალერი − (ინგლ. wallpaper < გოტიკ. walus ღერო, ჯოხი) – ქაღალდის ფართო ზოლები (ჩვეულებრივ, რაიმე ნახატის მქონე), რომლებსაც ოთახის, დარბაზის და მისთ. კედლებზე აკრავენ სილამაზისათვის; კედელზე მის დასაწებებლად ჩვეულებრივ ხმარობენ კლეისტერებს (წებო) – ფქვილის წარმოების ნარჩენებს ან წყალში ხსნად სინთეზურ წებოს.
სარჩევი |
ქაღალდის შპალერი
შპალერის სახეობა, რომელიც მზადდება ქაღალდის საფუძველზე
ვინილის შპალერი
შპალერი შედგენილი ორი ფენისაგან: პირველი ფენა – ქაღალდის (ქსოვილის), დაფარული პოლივინილით და მეორე ფენა – მასზე დატანილი სურათებით ან ნატვიფრით.
თხევადი შპალერი
ბამბის, ცელულოზის, საფეიქრო ბოჭკოს, წყალემულსიური საღებავისა და წებოს ნარევი დატანილი (ხელის საგორავით ან პნევმატიკური გამფრქვევით) კედლის ზედაპირზე. კოლერება ხდება სპეციალური საღებავების მეშვეობით.
ლითონის შპალერი
შპალერის სახეობა, რომელიც მზადდება ქაღალდის საფუძველზე ფოლგის თხელი ფენის გადაკვრით, რომლის შემდეგ შპალერის ზედაპირზე დაიტანება ხაო ან სურათი.
უწვავი შპალერი
ბუნებრივი ნედლეულის (კვარცის ქვიშა, სოდა, დოლომიტი და კირი) საფუძველზე დამზადებული ძაფისაგან მოქსოვილი მინაშპალერი. განკუთვნილია ყველა ტიპის შენობის მოპირკეთებისათვის. ეკოლოგიურად სუფთაა, მუშაობაში მოსახერხებელია კარგად ირეცხება. წარმატებით გამოიყენება საზოგადოებრივი შენობის, ბანკის, მარკეტის და ა.შ. კედლების თანამედროვე მოპირკეთებაში. შეღებვა რეკომენდებულია სილიკატური ცეცხლმედეგი საღებავებით.
ხაოიანი შპალერი
ქაღალდის შოლტი, რომელზეც მუშაობის პროცესში პირველად დაიტანება ნახაზი, ხოლო შემდეგ – ხაო.
ქაღალდის შპალერი
ვინილის შპალერი
თხევადი შპალერი
ლითონის შპალერი
