ხურცილავა მურმან
NPLG Wiki Dictionaries გვერდიდან
ხურცილავა მურმან − (1939), ქართველი პოეტი, მწერალი და მთარგმნელი. დაიბადა მარტვილში. დაამთავრა სოხუმის პირველი საშუალო სკოლა, შემდეგ კი _ სოხუმის პედაგოგიური უნივერსიტეტის ისტორია-ფილოლოგიის ფაკულტეტი. ლექსების პირველი კრებული „მაღალი ცა” სოხუმში გამოსცა. წლების განმავლობაში მუშაობდა აფხაზეთის გამომცემლობებში. გამოცემული აქვს კრებულები: „ხეები თოვლში”, „სახლი შუაგულ ტყეში”, „ბზარი კედელზე”, „ერთი დღე”, „კერა”, „გადასახედი” და სხვა. თარგმნა და ცალკე წიგნად გამოსცა ძველი ჩინელი პოეტის დუ ფუს ლექსები, ასევე – აფხაზი პოეტების ლექსები. აფხაზეთის ომის შემდეგ 20 წლის განმავლობაში ცხოვრობდა მოსკოვში, სადაც გამოსცა ლექსების კრებული, მოთხრობები და რომანი „მგლები”. 2013 წელს დაბრუნდა საქართველოში.
