იხილეთ წყარო გვერდისთვის კლდის სინეგოგა

[[ფაილი:Kldis sinegoga.png|thumb|210პქ|'''კლდის სინეგოგა''']]
'''კლდის სინეგოგა''' (ლათ. Sitta neumayer Michahelles, 1830) – ფრინველი [[ბეღურასნაირნი|ბეღურასნაირთა]] რიგიდან.
* კლასი − ფრინველები (AVES)
* რიგი − [[ბეღურასნაირნი]] (Passeriformes)
* ოჯახი − [[სინეგოგასებრნი]] (Sittidae)
* გვარი − [[სინეგოგა]] (Sitta)
კლდის სინეგოგა პატარა ზომის ფრინველია; ფრთა 75-85 მმ-ია, კუდი – 45-55 მმ, [[ნისკარტი (ფრინველის)|ნისკარტი]] – 17-21 მმ, წონა – 20-30 გ. სქესობრივი დიმორფიზმი სიდიდესა და შეფერილობაში შეუმჩნეველია. ზრდასრული ფრინველი ზურგის მხარეს ნაცრისფერია. თავის გვერდებზე, ნისკარტიდან თვალების გასწვრივ, შავი ზოლებია. ყელი და ჩიჩახვი თეთრია, დანარჩენი ქვემო მხარე – ჟანგმიწისფერ-ქარცი; შეფერვა უფრო ინტენსიურია კუდქვეშა ბუმბულების გვერდებზე. ლოყები, ყურების მფარავები და კისრის გვერდები, შავი ზოლების ქვემოთ, [[თეთრი (ფერი)|თეთრია]], მომქნევები მორუხო-მურა. საჭის ბუმბულები მუქი მურაა, მაგრამ კიდურა წყვილს წვეროები ღია ქარცი აქვთ. ნისკარტი მურაა, ნისკარტქვედა – უფრო ღია ფერის, ფეხები – მორუხო-მურა.

ზოგიერთი ავტორი კლდის სინეგოგას 5-6 ქვესახეობას ცალკე სახეობად მიიჩნევს. სხვები, ერთი სახეობის ფარგლებში 10 ქვესახეობას გამოყოფენ. ორივე შემთხვევაში მიღებულია, რომ [[საქართველო]]ში გავრცელებულია კავკასიური კლდის სინეგოგა – S. n. rupicola Blanford, 1873. 

====გავრცელება==== 
სახეობის არეალი მოიცავს ბალკანეთის ნახევარკუნძულს (იუგოსლავია, [[ალბანეთი]], [[საბერძნეთი]]), მცირე [[აზია]]ს, [[სირია]]ს, [[პალესტინა]]ს, [[ირანი|ირანს]], [[ავღანეთი|ავღანეთს]], ჩრდილოეთ ბელუჯისტანს. სსრ კავშირის ფარგლებში მოიპოვება [[ამიერკავკასია]]ში და [[თურქმენეთი]]ს მთების სისტემებზე – პამირზე, ცენტრალურ და დასავლეთ ტიანშანზე. ყოფნის ხასიათის მიხედვით მობინადრეა, მაგრამ სეზონურად მომთაბარეობს ვერტიკალური მიმართულებით. საქართველოში მოიპოვება მრავალ ადგილას, როგორც მობინადრე ფრინველი.

====ბიოტოპი==== 
გამრავლების პერიოდში მოიპოვება მთების ფერდობების კლდოვან ადგილებში, ხეობების ფლატეებზე, კლდეების ფრიალო შვერილებზე. ზამთარში ეშვება მთის ტყეებში და ბაღებში.

====გამრავლება==== 
ბუდეს იკეთებს კლდის ნაპრალებში ან გამოქვაბულებში. ღრმა ხვრელების შესასვლელს ამოლესავს ნერწყვში დასველებული [[თიხა|თიხით]], ხოლო არაღრმა ჩაზნექილობაში თიხისაგან აკეთებს კოლბისმაგვარ ბუდეს. იგი შიგნიდან ამოფენილია [[ხავსი]]თ, ბალნითა და ბუმბულებით. აპრილის პირველ ნახევარში დებს 6-10 კვერცხს. საინკუბაციო პერიოდი 17 დღემდე გრძელდება. არის ცნობები წლის განმავლობაში ორჯერ გამრავლების შესახებ.

====კვება==== 
კლდის სინეგოგას საკვებს შეადგენენ [[მწერები]], ობობები და სხვა პატარა ზომის უხერხემლოები.

====მნიშვნელობა====
კვების ხასიათის მიხედვით სასარგებლო ფრინველია.

==წყარო==
[[საქართველოს ფრინველების სარკვევი]]
[[კატეგორია:ფრინველები]]
[[კატეგორია:ბეღურასნაირნი]]
[[კატეგორია:სინეგოგასებრნი]]
[[კატეგორია:სინეგოგა]]